جوزي مش بيصرف على الكلب بتاعي .. زوجة في دعوى خلع: مقدرش أتخلى عن بودي

«أنا بحب بودى الكلب بتاعي وهو رافض يحبه زي ويصرف عليه كمان».. تلك الكلمات قالتها هانم عندما ألتقاها تحيا مصر بمحكمة الأسرة لتروي لنا ماذا حدث لها مع زوجها وسبب حضورها للمحكمة.

سنة ونصف زواج

فتقول هانم صاحبة الـ 32 عامأ:"أنا متزوجة منذ سنة ونصف، وجوزى شغال مدرس، وليس لدى أبناء منه، وجوزى بيعاملنى بطيبة وحنيه ولكننا في بداية الجواز اتفقنا على وجود حيوان أليف معانا وهو كلبي المدلل وزوجته ووافق على ذلك، ولكن افتعل أكثر من مشكلة لكي يخرج الكلب بودي من البيت، لإنه يكرهه".

خروج الكلب

وتضيف هانم:" أنا فكرته بإتفاقنا على عدم خروج الكلب من البيت، فرفض أن يشترى أكل للكلب وامتنع عن ذلك، وقولتله إنه لازم يصرف على الكلب ويربيه، لإن الكلب دلوقتي أصبح في منزله، وأكيد مش هروح لوالدي علشان يعطينى فلوس اشترى أكل للكلب".

وتستكمل هانم: "أنا كل اللى عاوزاه شوية اهتمام بسيط بالكلب وأكله وإنه يصرف عليه ويخصص نفقة خاصة له، علشان أقدر اخلى كلب يروح لعيادة كلاب، وده حق من حقوق الحيوان إننا نعتنى بيها ونحافظ عليها، لإن ربنا هيحاسبنا عليها وعلى تلك الروح البريئة .

كثرة المشاكل

وتضيف الزوجة: "أنا اتخنقت بجد من كتر المشاكل اللى جوزى بيعملها معايا بسبب الكلب ومصاريف الكلب جوزى بيقولي إنه مش مطلوب منه إنه يربى الكلب ويعتنى بيه وبأسرة الكلب ورفض دفع أى مصاريف تخص الكلب وأسرته، وأنا اتصدمت لما لقيت جوزى بيعامل الكلب وبيخبطه بوحشية وكإن مفيش رحمة في قلبه، وعلشان كده اتخانقت معاه وأصريت إنه لازم يدفع فلوس ومصاريف الكلب وإلا هبيع دهبي علشان ادفع فلوس ومصاريف الكلب وأكله".

دعوى خلع

وتختتم الزوجة: "أنا كرهت جوزى البخيل اللى رافض يصرف على كلبي بودى، وهو للحق أى حاجه بطلبها منه بيشتريها ليا، مش بيحرمنى من حاجه ولطيف معايا، بس مش لطيف مع الكلب وبيكرهه ودى حاجة بكرها فيه، وأنا بحب بودى ومقدرش اتخلى عنه علشان حد، وعلشان عائلة بودى متنهارش، وقررت ارفع دعوى خلع علشان هو رفض الطلاق والصرف على بودي كلبي".