الناس بتعاكسني ولا بيتحرك .. فريال في دعوى خلع: جوزي جبان وضعيف

« طول ما جوزى مش قادر يحمى نفسه هيدافع عنى وعن عياله إزاى» .. تلك هى الكلمات قالتها فريال لـ تحيا مصر وهى تروي مأساتها مع زوجها الضعيف الذى خذلها أمام الجميع.

مش بيحضرلها الفطار الصبح ومبيفسحهاش .. «نيرمين» تطلب خلع جوزها بالكيت كات

خلع بعد 14 يوم زواج .. سميرة لمحكمة الأسرة: حماتي كرهتني في حياتي

وتقول فريال:"أنا متجوزة من 15 سنة وعندي 4 أطفال، وأحب زوجى وجوزى يعمل فرد أمن ونسكن بحى شعبي ودائما ما نتعرض لمشاكل وخناقات مع سكان الحى، وذلك يجبرنا على التدخل لمواجهة تلك المشكلات المختلفة بالخناق مع الناس".

زوجي هادي ومسالم

وتضيف فريال صاحبة 34 عاماً: "المشكلة أن جوزى شخص هادى ومسالم وليس من طبعه الخناقات وعمل ضجيج ومشاجرات مع الآخرين، فهو دائما يكره التدخل في شئون الناس وافتعال المشكلات مع الجيران، ولكن الكارثة أن الحى الشعبي دائم افتعال المشكلات والكوارث وشد وجذب دائما مع الناس، ويجبرنا الناس على الدخول في خناقات وإظهار شخصية وإلا سوف يطلقون على الشخص، أنه جبان ولا يستطيع المواجهة".

ضعيف وجبان

وتستكمل: "زوجى دائما ضعيف وجبان ولما بيتعرضلى شخص في الشارع، بيخاف يتعامل معاه علشان ميتخانقش، وحصل مرة أنا وجوزى كنا ماشين في الشارع وشخص عاكسني، وجوزى بدل ما يلف يتخانق معاه ويديلوه علقه موت، كان رد فعله خلاص خلاص عاوزين نمشي وبلاش مشاكل والراجل مكنش يقصد أكيد، فجوزى ضعيف ولدرجة لا تحتمل، وأنا زهقت من بروده ده".

بحب جوزي جدا

وتضيف الزوجة: "أنا خايفة على عيالى لما يكبروا يطلعوا زى والدهم ضعفاء وجبناء ويخافوا من الناس، وده هيخلى الناس تأخد عنهم صورة مكروهة وبشعة وإننا ضعفاء وأى حد يقدر يسلب حقنا ويضربنا ونحن لن نرد عليها مهما حصل، والمشكلة إني أنا بحب جوزى لأقصى درجات الحب والعشق، وبتمنى حياتى كلها تبقى معاه، بس هو ضعيف ومش قادر ياخد حقه، ولا حق عياله، وابنه الكبير اضرب قدام عينه، ومعملش حاجة وقتها، وسابوا ينضرب ومدفعش عن إبنه".

وتقرر الزوجة فريال وتقول: أنا قررت أطلق من جوزى ولكنه رفض، ورفعت دعوى خلع وقبلت الدعوى، جوزى مش قادر يحمى نفسه، فهيدافع عنى وعن عياله إزاى، أنا قررت فعلا أنى لازم احمى نفسى بنفسي وأبعد عن جوزى، علشان هو ضعيف وموقفنا وشكلنا قدام الناس بقى زي الزفت".