زهقت منه وأنا مش خاينة..زوجة في دعوى خلع:جوزي مصاب بمرض جلدي معدي

تدخل سيدة إلى محكمة الأسرة في ملابس أنيقة ترتدى خلالها جيب وبلوزة وحجاب، وتتحلى ببعض الاكسسوارات وتنبعث منها رائحة البرفان، وبخطى ثابتة تتجه نحو منصة القضاء للبحث عن دعواه وسط قضايا الخلع التى قامت برفعها على زوجها، تحيا مصر ألتى السيدة لتروي لنا قصتها ومأساتها مع زوجها الذي دفعها لرفع دعوى خلع عليه.

الناس بتعاكسني ولا بيتحرك .. فريال في دعوى خلع: جوزي جبان وضعيف

خلع بعد 14 يوم زواج .. سميرة لمحكمة الأسرة: حماتي كرهتني في حياتي

زواج من 5 سنوات 

وتقول الزوجة صاحبة 34 عاماً:" أنا اتجوزته من 5 سنين من جوزي وهو شغال نجار، ولدينا طفلين، وحياتنا هادية لا يوجد فيها أى مشاكل وهو رجل طيب وحنين وبيصرف علينا ولم يهينني أو يشتمني في يوم من الأيام، ويعتنى بالأطفال ويهتم بيهم دائما".

بداية المشاكل 

وتضيف الزوجة : "ولكن المشاكل بدأت لما جوزى أصيب بمرض جلدى معدى في جسمه، ولكن هذا المرض ليس له علاج حالياً وانتقلنا لأكثر من دكتور لكى يتم العلاج منه ولكن لا يوجد له علاج، وأكثر من سنة ونحن نبحث عن علاج لهذا المرض ولا يوجد له حل وكمية الأدوية التى أخذها لم تنفعه وسبب له خطورة عالية على جسمه مما جعله يتوقف عن أخذ أى علاج وبدون جدوى كل تلك المحاولات".

مريض مرض خطير

وتستكمل الزوجة: "وأنا عندى 34 عاماً، وجوزى مريض بمرض خطير لا علاج له، ولدينا طفلين، والمرض الذى يعاني منه جوزى جعلنى أتجنب الاقتراب منه، وحتى الأولاد تجنبوا المعاملة مع أبوهم، وفكرت كثيرا في إتخاذ حل وتوصلت إلى أنه يجب أن ننفصل ونبعد عن بعض".

الانفصال هو الحل

وتسترسل الزوجة: "الانفصال هو الحل السليم لنا، فهو مريض ولا يستطيع التعامل معى ولا مع الأولاد، والحل الوحيد له هو أن يبتعد عن الناس وإلا سوف يتسبب في عدوى وأذية الاشخص المقربين له، وطلبت منه الطلاق بشكل ودى بدون أى مشاكل وأن الأبناء يظلوا معى وهو يستطيع رؤيتهم في الوقت الذى يريده ولكنه رفض ذلك".

أنا زوجة مش خاينة

وتقول الزوجة: "أنا زوجة مش خاينه ومقدره عشرة العمر اللى بينا والأطفال، بس أنا لسه في شبابي، ليه أعيش مع شخص مصاب بمرض جلدى هيأذينى وهيأذي غيري،وهو محكوم عليه بالوفاة والإصابة هتستمر طول عمره، والشفاء من عند الله، ولكن أنا لسه حياتى، أقدر أعمل فيها كذا حاجه تاني بدل ما أدفن نفسي بالحياة معاه".

حالة زوجها

وتصف الزوجة حالة زوجها عندما علم بالأمر: "أنا بكيت من رد فعل جوزى لما قولتله أنا عاوزة أتطلق، قالى" أنا عمري محسيت بالضعف والمرض اللى عندى، غير لما طلبتى الطلاق" بس للأسف ولدتى دفعتنى لاستكمال الأمر وطلب الطلاق مرة آخرى، ولكنه رفض وقال لو ده أخر حاجه هعملها في حياتى مش هطلقك".

دعوى خلع

وتختتم الزوجة: "أنا كررت الطلب وهو أصر بنفس الجواب، ورفعت دعوى خلع، وكسبتها وعرفت بعد كده، إن جوزى دخل في حالة نفسية حادة عملت على زيادة المرض الجلدى، مما أجبره على حجزه في المستشفى وعدم رؤية أحد من الناس، ومنع عن رؤية الأبناء حتى لا يعدي أحد، وأنا حياتي أدمرت بسبب مرضه وكل زوجه ليها احتياجها وبعد الخلع هعيش حياتي مع أولادي وممكن أتجوز تاني عادي جدا وأنا وقفت جنبه كتير بس تعبت وزهقت من مرضه ده اللى حارمني من حجات كتير في حياتي".