أيتن عامر: "الخيانة ملهاش مبرر".. وهذه حقيقة خضوعي لعمليات لخفض الوزن

تحدث الفنانة أيتن عامر خلال ضيافتها على برنامج “معكم” الذي تقدمه الإعلامية منى الشاذلي عبر قناة cbc،  عن تصريحات شقيقتها وفاء بشأن أن المرأة هي سبب الخيانة.

تحيا مصر يرصد في ذلك التقرير تصريحات أيتن عامر عن الخيانة وكيف خسرت وزنها

وقالت أيتن عامر خلال برنامج معكم: “اتخانقت معاها وكنت متضايقة مع اللي اتضايقوا”.

وتابعت: “الست لو اتخانت مينفع تقول أنا السبب لأن مفيش سبب للخيانة.. فيه حاجة اسمها أنا مش عايزك يلا ننفصل.. أنا ضدت إن الست تندلق”، لترد عليها وفاء عامر، قائلة: “هي معندها قلب”.

أيتن عامر تكشف حقيقة خضوعها لعملية تكميم

وكشفت الفنانة أيتن عامر عن السر وراء زيادة وزنها وخسارته بشكل مفاجئ، مشيرة إلى أنها لم تقم بأي عمليات لخفض الوزن، فقالت: “أنا ديما ماشية على خطة الدايت وفجأة حسيت بإكتئاب فلجأت للأكل فتخنت.. التكميم مش جريمة واحنا مش ضد الفكرة بس أنا ملجأتش للعمليات إحنا عملنا دايت عائلي وكان عندنا إرادة”.

ووجهت نصيحة للسيدات، قائلة: “اتخني 15 كيلو مفيهاش حاجة ومتضيقيش نفسك.. بس خلي عندك إرادة وانزلي الـ 15 كيلو دول تاني”.

أيتن عامر تطرح أغنيتها “خطافة رجالة”

جدير بالذكر أنه، طرحت الفنانة أيتن عامر في وقت سابق كليب أغنيتها “خطافة رجالة”  من كلمات أحمد علاء، وألحان أحمد مصطفى «نييس»، وإخراج زوجها محمد عز العرب، وتعد الأغنية الثالثة التي تطرحها خلال العام الحالي.

وجاءت كلمتها على النحو الأتي: عامله love على صورته وانا حبيبته ومش هقف اتفرج.. وانا هقفش جامد ده البارد عمال بيهرج يانهار ابيض كده مش فايت انا قلبي مولع نار شايط.. بقى بيني وبينها انا تار بايت دي ماتعرفنيش ودي قلة ذوق كده مش طالبه بزياده لطافه.. دي عميت في عينيها العيب فيها ولا انا شفافة انا موتي وسمي اللي قافلني بتبص في وشي وتحضني.. ومن ضهري بتلعب وتخوني وكله على مفيش.. خطافة الرجالة حرصوا منها تلعب على مين لا ده بعينها.. اللي تقربله الله يعينها مش هسكت ولا هقف اتفرج.. خطافة الرجالة حرصوا منها تلعب على مين لا ده بعينها.. اللي تقربله الله يعينها جمهوري كبير يملى مدرج.. خطافة الرجالة.. ولا عاش ولا كان اللي يقرب من حد بحبه ده انا اصلي قعدت لما دخلت وربعت في قلبه.. دورها في حياته يا دوب مشهد وانا بطلة فيلمه الناس تشهد.. وما كنتش احب هتتعقد بس اعمل ايه عينك يدب فيها رصاصة رايحة جايه عليه رايحة جايه عليه زي ما بيقولوا عنيها فيه تقول hahaaa عماله تلفي وبتحاولي وتقولي لا ذوقي ولا ستايلي واتاريكي عماله تتحايلي عشان تشوفيه.. خطافة الرجالة حرصوا منها تلعب على مين لا ده بعينها اللي تقربله الله يعينها مش هسكت ولا هقف اتفرج.. خطافة الرجالة.. حرصوا منها تلعب على مين لا ده بعينها اللي تقربله الله يعينها مش هسكت ولا هقف اتفرج.. خطافة الرجالة حرصوا منها تلعب على مين لا ده بعينها اللي تقربله الله يعينها جمهوري كبير يملى مدرج.. خطافة الرجالة خطافة الرجالة خطافة الرجالة”.