أحمد جمال: "كنت خاطب من 3 سنين.. ودي أكتر حاجة بتشدني للبنت"

حل المطرب المصري الشاب أحمد جمال أمس مع الفنانة إنجي المقدم ضيفًا في برنامج “مساء دي إم سي” الذي يقدمه الإعلامي رامي رضوان على شاشة تلفزيون قناة “دي إم سي”، وأثناء الحلقة تحدث جمال عن الكثير من الأمور التي تخص حياته الفنية والشخصية.

تحيا مصر يرصد أبرز تصريحات أحمد جمال مع رامي رضوان

- أنا لم حد سألني إيه إلا بيشدك في البنت قولتله ضحكتها فعملت أغنية اضحكي.

- وأنا عندي 10 سنين اتعرضت لعملية نصب من أبويا، كان معايا 300 جنيه وقال تعالى افسحك بالفلوس وهخليك تلعب كل الألعاب وفعلا وداني هناك وبعد ما كبرت اكتشفت ان كل الألعاب كانت بسعر موحد 5 أو 10 جنيه.

- كان فيه مشروع خطوبة ومكملش من 3 سنوات عشان كنت حابب آخد فاصل.

- مفيش حد متجوزش في العيلة غيري.

- روحت فرح غلط شغل يعني، في نفس الفندق بس قاعة تانية، ولقيت حد من الزملاء المغنيين بيغني، بيبقي في فاصل بينهم، وقفت كدا لسه مش مدرك إني دخلت غلط، وفجأة بعد ما اتصورت مع نص الفرح لقيت الفرقة بتكلمني إنت فين بقالنا ساعة العريس والعروسة مستنينك.

- الأغنية 4 عناصر “كلمات، لحن، توزيع، غناء”، وأهمهم من وجهة نظري التوزيع.

أخر أعمال أحمد جمال

ومن الجدير بالذكر أن أخر أعمال المطرب أحمد جمال أغنية “خطير خطير”، التي تم طرحها عبر قناته الرسمية على موقع “يوتيوب” يوم 27 من شهر يونيو الماضي، وحقتت الأغنية منذ عرضها وحتى الآن أكثر من مليون مشاهدة، وهي من كلمات وألحان عزيز الشافعي، وتوزيع ومكس وماستر جلال الحمداوي.

كلمات أغنية “خطير خطير”

وتقول كلمات الأغنية: “خارج المنافسة منزلش منه لسه فارق فرق جامد بركان ف القلب خامد نار القلب والعة مشتاق وعندي لوعة خطير خطير ومعقد ناس كتير الينفسن ينفسن و ال يغير يغير كمان كمان اديها جمدان بتقارنوا مين بمين ماخلاص الفرق بان لما يهدي سنه قلبي يسن الأسنة مش قادر عالمناهدة ده أنا ادمنت المشاهده حد يوصيه عليا ده طالع من عينيه ده معدي الحدود عيونه سود رموشه كحلا كل شوية يعلي يخلي الدنيا ف عيني أحلى”.