أول ظهور لوالد أطفال الدقهلية الثلاثة ينفي تبرئة زوجته أمام النيابة "أنا مبرأتش حد اللي بيبرأ أو يدين هو المحكمة"

نفى والد الأطفال الثلاثة الذين قتلوا على يد والدتهم بمحافظة الدقهلية، تبرئة زوجته أمام النيابة من تهمة القتل، مشيرا إلى أن الأخيرة كانت تحمل جميع الصفات الحميدة، وتحب أطفالها بشكل كبير.

تحيا مصر

وفي أول ظهور له، بمداخلة هاتفية" لقناة العربية " قال خلالها محمد أشرف: "أنا مبرأتش ولا اتهمت، أنا قلت اللي أنا أعرفه عن الزوجة، واللى أعرفه عنها كل خير.. واللى حصل كان بالنسبة ليا مفاجأة.. أنا قلت كل اللى أعرفه.. مكنش عندى مقدمات ولا تفسير..  إحنا متجوزين بقالنا 11 سنة.. مفيش أى مقدمات، لأى مرض نفسى أو مفاجاة، بالعكس مفيش أى حاجة، لو كنت حسيت بأى حاجة كنت نزلت فورًا"السفر".

"مكنتش أتوقع أبدا، الموضوع يوصل لكده، إيه ده؟"

وأضاف والد الأطفال، “احنا متكلمين يوميها بالليل، وقالتلى هات هدايا واشتريت كل اللي هما عاوزينه، وخلاص أنا كنت نازل بعد أسبوعين تقريبا، وكنا بنحضر للنزول يعنى مع بعض.. مكنتش أتوقع أبدا، الموضوع يوصل لكده، إيه ده؟، حتى أنا مصدقتش إنها ممكن تكون كتبت، لولا إنى عارف خطها أنا مكنتش صدقت".

"أحمد كان طبيعي جدا"

وتابع فى تصريحاته التليفزيونية قائلا : "أحمد أتأخر في الكلام شوية، متكلمش إلا من سنتين لثلاثة سنوات، ومن أشطر الطلاب في المدرسة حتى فيه معلمة قرآن إسمها آية علاء، حتى تشوف إنت البوست بتاعها وشهادتها ، كانت أخر المعلمات اللى بتحفظ أحمد القرآن كانت مستغربة جدا، موضوع التوحد اللى انتشر على الفيس بوك.. لا أحمد كان طبيعي جدا.. أه مكنش عنده مكر الأطفال لكن كان طبيعي خالص".

"أنا مبرأتهاش قدام النيابة"

وأشار والد الأطفال إلى، "أنا مبرأتهاش قدام النيابة، والنيابة بتقولى تفسير حضرتك إيه للى حصل؟، قولت تفسيركم إنتم للى حصل، أنا مكونتش موجود، وأن النيابة قالت له إن كل الأدله تشير بأنها الفاعلة، وأنه لم يبرئها، وأن هذا الأن يرجع إلى المحكمة، وأنه شهد بما يعرفه.

" فيها كل الصفات تقريبا الحلوة"

واختتم حديثه عبر مداخلته الهاتفية على قناة العربية، أن زوجته لا تستطيع الكلام، وأنها في العناية المركزة وممنوع عنها الزيارة، مشيرا إلى أنها كانت مطيعة ومحترمة وكانت تحب أطفالها " فيها كل الصفات تقريبا الحلوة".