متصلة بأحد البرامج: «خطيبي سابني علشان عملت بومبة».. والشيخ يجيب

شهد برنامج «أحلى كلام»، المذاع على قناة «الشمس»، تقديم الإعلامية ميار الببلاوي، سؤالًا من إحدى المتابعات للشيخ، عن حكم ترك خطيبها لها بسبب «إخراجها ريح» أماه.

تحيا مصر

بابا وماما بيعملوا كده عادي

وأضافت المتصلة: «خطيبي كان عندي وإحنا بنتكلم قال حاجة ضحكتني وغصب عني عملت «بومبة»، وإحنا ده طبيعي عندنا بابا وماما بيعملوا كده وبنضحك، ودلوقتي هو عايز يسيبني وإحنا فرحنا بعد العيد»

وتابعت: «اتصل بيا قالي مش عارفة يعني انتي عملتي ايه، أنا لا يمكن أتجوز واحدة معندهاش ذوق ولا اتيكيت، ومش عارفة أعمل ايه ولا أقول لأهلي إيه».

ولا يشم منك إلا أطيب ريح

واستنكر الشيخ هذا الفعل، موضحًا أنه من حكم الفقه هي مخطئة والخطأ الأكبر يقع على الأم والأب، مضيفًا: «الأم هي سبب خراب بيوت بناتها الآن، لأنها لم تحسن تربيتها، الوصايا العشر بتقول ولا يشم منك إلا أطيب ريح، حتى الشيخ الشعراوي قال حتى دخول المرأة إلى الحمام متحسسش بيها جوزها».

وتابع الشيخ: «دي اسمعها آداب والخطأ على والدتك ووالدها»، موجهًا رسالة إلى خطيبها قائلًا: «مينفعش انك تدبح من غير ما تعلم، هي حسب تربيتها فاهمة إن ده صح، دي مش من الأسباب الشرعية اللي تخليك تسيب بيها خطيبتك، كنت لازم تعملها الأول»

وأكمل: «هو انت داخل على السيدة عائشة، لازم تعلمها فيه حاجة اسمها الرحمة وتقعد تفهمها، كل الناس بتخطئ، تكسر بقلب بنت علشان سبب زي ده».