«إعرف يعني إيه بلد وإزاي البلد تعيش.. أعملك مشاريع وأوفرلك فرص عمل ولا أسيبك من الأكثر احتياجًا».. أبرز رسائل الرئيس السيسي للمصريين

- الرئيس السيسي للمصريين: خايف من كتر الجهل نبقى جاحدين وربنا يسلط علينا أنفسنا ونهلك

- الرئيس السيسي يطالب المصريين بالتحمل

- السيسي يوجه رسالة لمعارضي المشاريع القومية

- حجم إنتاج الدولة المصرية لا يتوافق مع حجم النمو السكاني

- السيسي للمصريين: إعرف يعني إيه بلد وإزاي البلد تعيش

- السيسي للمواطنين: هل كنتوا هتتحملوا عدم وجود كهرباء أو إنتاج غذائي

- الرئيس السيسي لمنتقدي مداخلاته الهاتفية: ببقى عايز أتطمن الإعلام هيشكل وعي وفهم الناس إزاي

افتتح الرئيس عبد الفتاح السيسي، اليوم السبت، مشروع مستقبل مصر للإنتاج الزراعي من محور، بحضور عدد كبير من المسئولين والقيادات بجانب طلبة الجامعات المصرية، والذي كان أعطى إشارة البدء بتنفيذه في أبريل 2017.

تحيا مصر

مشروع مستقبل مصر للإنتاج الزراعي

وخلال الافتتاح بعث الرئيس السيسي بعدة رسائل إلى المصريين، بشأن الأزمة الاقتصادية التي يعاني منها العالم أجمع، مطالبًا المصريين بضرورة ترشيد الاستهلاك لتخطي أزمة نقص المنتجات الغذائية.

- الرئيس السيسي للمصريين: خايف من كتر الجهل نبقى جاحدين وربنا يسلط علينا أنفسنا ونهلك

وجه الرئيس عبد الفتاح السيسي رسالة للمواطنين قائلًا: «خايف نبقى جاحدين للي ربنا عملهولنا ويسلط علينا أنفسنا وندمر ده»، مضيفًا: «خايف من كتر الجهل وقلة الوعي نخرب ده»، مستشهدًا بالآية الكريمة: «وَإِذَا أَرَدْنَا أَن نُّهْلِكَ قَرْيَةً أَمَرْنَا مُتْرَفِيهَا فَفَسَقُوا فِيهَا فَحَقَّ عَلَيْهَا الْقَوْلُ فَدَمَّرْنَاهَا تَدْمِيرًا».

- الرئيس السيسي يطالب المصريين بالتحمل

واستشهد الرئيس عبد الفتاح السيسي، بحصار النبي صلى الله عليه وسلم والصحابة في مكة 3 سنوات، قائلًا: «النبي حوصر في مكة 3 سنوات وكان بينزل سيدنا جبريل عليه ولم يطالبه الصحابة بأن يدعو ربنا يجيب لهم أكل أو يفجر الله تعالى الأرض بالماء من تحتتهم»، مطالبًا المصريين بالتحمل والصبر قائلًا: «إحنا مش كده إحنا أصلب من كده».

- السيسي يوجه رسالة لمعارضي المشاريع القومية

وجه الرئيس عبد الفتاح السيسي، كلمة للمعارضين لمشاريع الدولة بسبب تكلفتها المرتفعة قائلًا: «اللي بيقولي بتكلفوا المشاريع كل الفلوس دي ليه هرد عليه أقوله عندك بديل تاني ؟؟».

كما أشار الرئيس السيسي خلال كلمته في افتتاح مشروع مستقبل مصر للإنتاج الزراعي، أن مناطق المنيا وبني سويف كانت من المحافظات الأكثر احتياجًا، قائلًا: «كنت أعمل مشاريع هنا وأوفرلك فرص عمل ولا أسيبك من الأكثر احتياجًا، أنا بوفر إنتاج زراعي وكمان معاه إنتاج صناعي».

- حجم إنتاج الدولة المصرية لا يتوافق مع حجم النمو السكاني

وأوضح الرئيس عبد الفتاح السيسي، أن حجم الإنتاج في مصر لا يتناسب مع حجم النمو السكاني، لذلك كان على الدولة أن تسعى لزيادة الأراضي الزراعية، مضيفًا: «لو كان عددنا 50 مليون نسمة كان إنتاجنا هيكفي ونصدر».

- السيسي للمصريين: إعرف يعني إيه بلد وإزاي البلد تعيش

وأضاف الرئيس السيسي: «أنا بقول كلام صعب واللي مش متعلم يتعلم، يعرف يعني ايه بلد والبلد دي إزاي تعيش، الـ100 مليون دول مش عايشين كده، كل موضوع وليه حكاوي كتير اوي، أنا دوري أعرف إزاي ألبي طلبات الناس، وعرفت وبجري عليه».

- السيسي للمواطنين: هل كنتوا هتتحملوا عدم وجود كهرباء أو إنتاج غذائي

وأشار الرئيس السيسي، إلى أن المشروعات التي تقوم بها الدولة، وعلى رأسها الكهرباء، ساهمت في تحقيق الإنجازات الحالية.

وأضاف: «سمعت الناس بتقول كنتوا ركزتوا على التعليم.. بعض الناس قالت نخلي الأولوية للتعليم، لكن هل كانوا هيتحملوا عدم وجود كهرباء أو إنتاج غذائي أو طرق على مدى 14 عام، ويبقى كل موارد الدولة المحدودة نضعها في التعليم».

- الرئيس السيسي لمنتقدي مداخلاته الهاتفية: ببقى عايز أتطمن الإعلام هيشكل وعي وفهم الناس إزاي

كما علق الرئيس عبد الفتاح السيسي، على من ينتقد مداخلاته الهاتفية بالبرامج التلفزيونية قائلًا: «البعض بيقول هو الريس عنده وقت علشان يتفرج.. آه عندي وقت علشان اتفرج وأتابع التناول الإعلامي للقضايا».

وتابع: «أنا لما بعمل مداخلات ببقى عايز أتطمن الإعلام هيشكل وعي وفهم الناس إزاي.. وعايز أتطمن هل الإعلاميين وضيوفهم لما بيتناولوا قضايا يتناولوها بفهم وعمق أم لا».