هبة السويدي تتقدم ببلاغ للنائب العام ضد مواطن تنمر علي بطلة أعلان مستشفي أهل مصر للحروق "وشها مشوه وبتسد نفسي"

أعلنت هبة السويدي رئيس مجلس أمناء مؤسسة أهل مصر عن تقدمها  ببلاغ للنائب العام ضد مواطن تنمر علي بطلة أعلان مستشفي أهل مصر للحروق .

تحيا مصر 

جاء ذلك خلال صصحتها الشخصية فيس بوك حيث قال:” سأتقدم باسم مؤسسة اهل مصر ببلاغ الى النائب العام غدا ضد هذا الشخص الذي تجرد من الرحمة و قرر بكلمة يوجع قلوب مئات الآلاف من الناجين من الحروق و اصدر عليهم حكم الإعدام وهم أحياء…

 

حبيبة قلبي منال المتحدث الرسمي لمؤسسة أهل مصر ومستشفى اهل مصر لعلاج الحروق بالمجان... اتعرضت لحادثة حرق وهي عندها ١٦ سنة فقدت فيها والدتها و ٢ من أفراد عيلتها... ٣٧ عملية منهم بس ٢٧  في اول ٣ شهور بعد حادثة الحرق.... رحلة علاج استمرت سنين ومازالت مستمرة... آلام واوجاع من اصابتها لا تحتمل…

هبة السويدي تتقدم ببلاغ للنائب العام ضد مواطن تنمر علي بطلة أعلان مستشفي أهل مصر للحروق "وشها مشوه وبتسد نفسي"

عمليات في وشها و في ايديها علشان ازالة التصاقات واعاقة اصابع ايديها علشان تقدر تستخدمها وتخدم روحها... كل ده ومعاه ألم نفسي وحسرة في قلبها على والدتها وعلى نفسها... أسرتين كاملين ادمروا وحياتها وقفت...

مدرستها قفلت بابها في وشها واتحرمت من أولى حقوقها في انها تكمل تعليمها وبعدها انها تشتغل...  و بعد ما كانت عايشة حياة طبيعية قررت تغطي ايديها بجلوفز و تهرب وتقفل عليها بابها و تستخبى من عيون مجتمع قرر يعاقبها على قدر مكنش ليها ايد فيه…

 

وفي يوم قررت تقاوم و تقوم و تحاول ترجع حياتها بالرغم من كل التنمر والكلام القاسي الي بتتعرضله كل يوم وكل ساعه... وبدعم اهل مصر  ليها بالعلاج والتأهيل النفسي و بقوتها قدرت توصل انها تكون أول متحدث رسمي بتتكلم بإسم كل الناجين من الحروق...

وكان أول اختبار ليها لما قلعت الجلوفز وطلعت قدمت فقرة في احتفالية قادرون باختلاف السنة دي امام السيد رئيس الجمهورية.. 

بنظرة حضرته ليها ولبسملة بعين الإنسان والأب و تجاوبه معاهم فتح باب امل جديد لكل الناجين من الحروق انه روحهم تعيش من جديد... 

بقالنا سنين بنعافر علشان نوصل صوتهم، بس إيمانا بالقضية واحساسنا بوجعهم كان هو الدافع الي بيحركنا  بالرغم من كل الصعوبات والتحديات الي بنواجها من اول انقاذ ارواح الضحايا لغاية دمجهم في المجتمع...

امبارح اعلان مستشفى اهل مصر الي كانت بطلته منال تم عرضه لأول مرة في التليفزيون وعلى السوشال ميديا... منال حبيبتي بجد ابتسامتها ترد الروح،والثقة الي بقت عندها في نفسها تفرح قلوب...

بس للاسف دخل شخص معين قلبه يفتقر للرحمة على صفحة اهل مصر وكتب تعليق ما يكتبهوش غير انسان تجرد من انسانيته، وبدل ما يشجعها و يشجع مئات الآلاف من الناجين من الحروق انهم يقاوموا ويعملوا زيها... قرر يهد بكلمة وبتنمره مجهود سنين ويجرح قلب بنوتة  كل املها انها تعيش و تشتغل و تتعالج... بنوتة قاومت وتحدت نفسها قبل مجتمعها...

بس الي يفرح الناس الي دخلت ردت عليه واحرجته فحب يحمي نفسه ومسح التعليق بس كنا صورناه..

انا حابة افكر الشخص ده و افكر كل متنمر بالحملة التي أطلقها السيد رئيس الجمهورية "لا للتنمر"، والقانون الذي تم تفعيله وبقوة بحبس كل من يتنمر  بالأخص على ذوي الاحتياجات الخاصة والناجين من الحروق، واحنا في اهل مصر نرفض نفرط في حق ولادنا”.