زميلة موظف التجمع: القوى العاملة تتكفل بأسرة نور.. ومش خايفة أترفد

قالت زميلة موظف التجمع في تصريحات خاصة لـ تحيا مصر : " مبدئيا أنا بشكر كل الناس ومنصات التواصل الإجتماعي على رأسها موقع تحيا مصر عشان بس نرجع حق زملينا في العمل ولم أقصد الحديث عن فئة بعينها في المديرين أو غيره" .

وتابعت : " نور كان شخص طيب للغاية وسيرته حميده وبعض الناس أبلغوني أنه مواظب على الصلاة والقراءن وهو ربنا بيحبه أن خلى كل البلد تدعيله وتترحم عليه بعد وفاتة بسبب الضغوطات". 

وواصلت : " نور حسب المعلومات التي ورد لي أنه تعرض للتعسف والضغوطات في العمل ، وأنا تسألت ياترى مين اللي قاله حاجة خليته يودي بحياته في لحظتها لأنه من غير الطبيعي أن يقرر شخص الانتحار في عمله". 

وأستكملت : " القوى العاملة قررت بشكل ودي كفالة أهل نور وتحمل مصروفات العائلة، أنا نفسي تعرضت للتعسف بعد طلبي الدخول للحمام". 

زميلة موظف التجمع: القوى العاملة تتكفل بأسرة نور.. ومش خايفة أترفد 

وأضافت : " أنا مش خايفة إني أترفد ولا غيره، أنا مبسكتش على الحق ومصر كلها في ضهري ومصر كلها معانا وإحنا في بلد قانون". 

واختتمت : “ تدخل الدولة والقوى العاملة حول الموضوع لرأي العام وبالفعل أهله هيستفادوا من تلك الخطوة، وبشكر ربنا إننا خلقنا لنكون وسيلة لحق الموظف”.