«عايزني اشتغل برة وهو يشتغل في البيت».. زوجة في دعوى خلع أمام محكمة الأسرة

«مش عايز يقعد في البيت غير أنه يطبخ ويمسح ومش بيعمل حاجة تاني وبيطلب مني أنا أنزل أشتغل».. بهذة الكلمات رفعت ربة منزل تدعى«هدي» 25 عامًا، دعوى خلع ضد زوجها «احمد» 30 عامًا، أمام محكمة الأسرة التجمع الخامس.

تحيا مصر يرصد في السطور التالية حكاية زوجة داخل محكمة الأسرة التجمع الخامس

متجوزة بقالي 3 سنوات

وروت الزوجة لـمراسلة «تحيا مصر»:«متجوزة بقالي 3 سنوات، من صديقي في الشغل، كان محب لشغله، ومخلص، تم الزفاف بعد شهور من الخطوبة، قعدت من الشغل عشان اشوف بيتي وأشوفه محتاج أيه وعشان مكنش مأئرة في حقه، أكتشفت أنه بيحب يقعد في البيت كتير وممكن ياخد أجازة عشان يقعد في البيت، ويدخل يعمل شغل البيت كله ويقولي أنا بحب كدة ملكيش دعوة».

أنزلي أنتي أشتغلي

وأختمت الزوجة في دعواها أمام محكمة الأسرة : «ومش بس كدة دا بعد فترة جه من الشغل، وقالي أنا تعبت وقرفت واتخانقت من الشغل وهقعد وانزلي أنتي بدل مني، وانا هنا هعملك كل حاجة متخفيش، أنا زهقت وحسيت اني مش ست بيت زي الناس واقد أعمل أي حاجة، فلجأت إلي محكمة الأسرة بالتجمع الخامس لرفع دعوى خلع ضده».