«أمي ماتت من صدمة».. تفاصيل الإعتداء على ربة منزل في الخصوص

«أمي ماتت من صدمة».. تشكي سيدة تدعي «راندا.م» في منطقة الخصوص في وسط الشارع تعرض ليا بلطجي وتحرش بيا يدعي«محمود.ظ»صاحب فراشة أفراح في الخصوص.

تصريحات خاص  لـ تحيا مصر

أتهجم وأتحرش بيا

أشارت راندا في تصريح خاص لـمراسلة «تحيا مصر» : «كنت ماشية في الشارع بجيب طلبات البيت، تعرض ليا بلطجي في وسط الشارع والأهالي، هو قبل كدة تعرض ليا وكسر شباك البلكونةوأتهجم عليا، فات أسبوع على أول واقعة، وتعرض ليا من الخلف ووقف ورايا واتهجم عليا وشتمني بألفاظ وحشة وقالي«اللي عندك أعمليه أنا أعمل اللي أنا عايزة». 

7 غرز

أوضحت في تصريح خاص لـ «تحيا مصر» : «يوم اما أتهجم عليا كان معايا بنتي تبلغ من العمر 7 سنوات، بنتي جالها صدمة وصرع من اللي شافته، مقدرتش تتكلم تاني لفترة، وأنا ضربني على دماغي وخيط رأسي «7 غرز» وجالي أرتجاج في المخ وأغم عليا من الخبطة والخضة، فخرجت وقتها من المستفي لأني كان وقت كورونا، وكنت خايفة، محدش قدر يعمل معاه حاجة ولا زوجي ولا جيران لأنه بلطجي وتاجر مخدرات وعائلة مسجله خطر كلها».

أمي ماتت من صدمة

أشارت الزوجة  لـ «تحيا مصر» : «أنا مشعارفة أعمل مش عارفة أنزل من البيت نهائي، ولا أنزل عيالي، أنا خايفة ليتهجم عليا تاني، أمي لما عرفت بالموضوع جت قعدت معانا، شافتني وأنا غرقانة بالدم ، ولما معرفتش تعمل حاجة ليا وتخدلي حقي ماتت من القهره، ماتت وبتقولي خدي حقك منهم متسبيش حقك، وأنا عايزة حقي، أنا مش هسكت».