«بيصرف فلوسه على أهله».. ربة منزل في دعوي خلع أمام محكمة الأسرة بالسلام

«بيصرف فلوسه على اخواته وأهله ».. بهذة الكلمات رفعت سيدة تدعى « فاطمة » تبلغ من العمر الـ 28 سنة، دعوي طلاق ضد زوجها «محمد» 35 سنة،موظف، أمام محكمة الأسرة بالسلام.

تحيا مصر يرصد في السطور التالية تفاصيل حكاية داخل محكمة الأسرة بالسلام

متجوزة بقالي سنتين

روت الزوجة لـمراسلة «تحيا مصر»: «متجوزة بقالي سنتين،معايا طفل عمره سنة، أتجوزت زواج صالونات، تقدم لي عن طريق  الجيران، مكنتش أعرف عنه حاجات كتير إلا أنه بيشتغل شغلانه حلوة بتكسب ومرتبة عالي، بس يجي عليا أنا وأبني يقولي معيش فلوس وبيجوعنا، بروح عند أهلي واطلب منهم فلوس ليا عشان اقدر اعيش وأكل ابني».

وأشارت الزوجة : «أهله واخواته يجوا يزروه ويطلبوا منه فلوس بيدلهم الفلوس كلها ويشتروا هدوم وعايشين على فلوس جوزي كلها، ولما بقعد معاه واعاتبه على مصاريف دي وأنه مش بيصرف علينا بيضربني ويضرب أبنه.. أنا زهقت وطهقت منه على الأخر، انا نفسي يحس بينا ويشوف بيتنا ويشوفنا محتاجين إيه».

وأضافت الزوجة : «اخر مرة قولتله على فلوس البيبي، وأنه محتاج حاجات كتير وأكل خبطني في مراية الأوضة، فقام بإهانتي كتير أمام أهله كأني بشحت منهم ، أنا تعبت لحد مابقيت مش قادرة.. جوزي المفروض يصرف علينا، سبتله البيت ومشيت روحت عند أهلي، ولجأت الي محكمة الأسرة بالسلام لرفع دعوي طلاق».