محمد علي رزق يعلق على إتهام كاملة أبو ذكري لأبطال مسلسل بـ 100 وش

علق الفنان محمد علي رزق، على رسالة المخرجة كاملة أبو ذكري لـ أبطال مسلسل "بـ 100 وش"، وذلك بعد اتهامهم بالغرور، عبر صفحته الشخصية على موقع التواصل الاجتماعي الشهير "فيسبوك".

كتب "رزق" قائلًا: "كونك لما بتمشي في الشارع الناس بتعرفك، ده علشان مهنتك كممثل بتطلب ظهورك على شاشة السينما أو التليفزيون، فالناس بتعرف وشك.. مش علشان أنت أهم من باقي الناس أو أحسن من باقي الناس".

وأضاف: "بدليل إن أي حد بيعمل شوية ڤيديوهات عاليوتيوب سواء محتواها حلو أو وحش بيبقى وشه معروف للناس برضه فبلاش السكينة تسرقكوا.. صباح الخير".

وكانت كتبت كاملة ابو ذكري:"عرفت وسمعت واتأكدت إن بعض الممثلين المبتدئين من مسلسل (بـ100 وش) بعد النجاح الفظيع المريع للمسلسل، شافوا نفسهم والغرور سيطر على تصرفاتهم".

وتابعت: "عايزة أقولكم خسارة الغرور مقبرة الفنان، زي ما قلنا أنتم لسه الناس ما تعرفش أساميكم الحقيقية وبتشاور عليكم باسم الشخصية اللي قدمتوها..الغرور ممكن يقتلكم، وغرور ليه أنتم مين أصلا، كلنا مين أصلا دكتور مجدي يعقوب متواضع، ولما تتكلم معاه بيحط راسه في الأرض، مجدي يعقوب بجلالة قدره، وربنا يهدي".

اقرأ أيضًا..أبطال مسلسل بـ 100 وش يردوا على المخرجة كاملة ابو ذكري بعد إتهامهم بالغرور

الجدير بالذكر، أن مسلسل بـ 100 وش بطولة نيللي كريم، آسر ياسين، علا رشدي، إسلام إبراهيم، محمد عبد العظيم، شريف دسوقي، دنيا ماهر، سلوى محمد علي، حنان يوسف، زينب غريب وحسن أبو الروس.