راندا البحيري تهاجم الجمهور بسبب حالة الجدل المطروحة حول يوسف الشريف

قامت الفنانة راندا البحيري، بتغير صورتها الشخصية على موقع التواصل الاجتماعي "فيس بوك"لتضع صورة الفنان يوسف الشريف متضامنة معه بعد الهجوم الشديد الذي تعرض له، إثر تصريحاته الأخيرة مع الاعلامي رامي رضوان حول إصراره على عدم لمس أي فنانة أثناء التصوير.

دونت راندا عبر صفحتها قائلة : "كنت مشغوله النهارده و فتحت الفيس بوك لقيت الدنيا كلها بتتخانق علي يوسف الشريف والناس قالبه عليه.. انا مش فاهمه ليه الناس مش عاجبها اي اي اي حاجه.. مخرج يغلط و دي حياته الشخصيه هرب بسببكم و حياته باظت علشان الناس ترتاح".

تابعت:" هشام سليم علشان عجبكم الحوار بتاعه.. وعلشان التاريخ اللي بينكم وبينه.. كممثل و قيمه و محترم.. طلع في شيخ الحاره فاتعاطفتوا مع ابنه المتحول جنسيا بسبب انه عنده اضراب في الهويه الجنسيه، مع ان نفس المرض كان عند البنت اللي انتحرت و شتمتوها حتي بعد ما ماتت علي اساس انكم كده بتاخذوا حسنات علشان بتدافعوا عن دينكم اللي اصلا بيقول (اذكروا محاسن موتاكم) ".

وأشارت راند في حديثها إلى تصريح يوسف الشريف قائلة: "ممثل يبوس بيتشتم..ممثل مش عايز يبوس بيتشتم.. ربنا ياخدكم".

أردفت راندا، قائلة: "علي فكره فيه تصريحين لإتنين من نجوم مصر واحد منهم ميجا ستار بيقولوا فيه بالنص في حوارات مصوره في برامج التوك شو السنه اللي فاتت انهم مبيحبوش يعملوا المشاهد دي..واحد منهم قال بالنص انه لا يمكن يلمس واحده ولا يبوس واحده ولا يمثل مشاهد رومانسيه في افلامه و قال (انا مبحبش كده) لكنهم علشان اصحابكم اوي اوي اوي و علشان نجوم مصر و علاقاتهم متشعبه و كتير.. مش هتقدروا تعملوا ولا تتكلموا عنهم نص كلمه و سبحان الله حوارتهم فاتت وعدت كده".

أختتمت حديثها بلهجة حادة، قائلة: "هو يوسف الشريف واضح انه ملهوش شله بس تدافع عنه".

اقرأ أيضًا..يوسف الشريف "بشترط فى عقودى عدم لمس اى فنانة"

الجدير يالذكر، أن اخر أعمال يوسف الشريف، مسلسل النهاية، الذي عرض بشهر رمضان الماضي، المسلسل من بطولة أحمد وفيق وسهر الصايغ و ناهد السباعي وعمرو عبد الجليل ومحمود الليثي.