سكان زهراء مدينة نصر: شبكة Vodafone فودافون اتحولت من ضعيفة لمعدومة

اشتكى سكان زهراء ضباط القوات المسلحة في مدينة نصر، من ضعف شبكة Vodafone فودافون سواء للمكالمات أوشبكة الإنترنت، وقالت إحدى عملاء Vodafone فودافون في انتقادها، "هو ممكن نفهم إيه اللي حصل مؤخرًا حول شبكة فودافون بعدما كانت ضعيفة في الزهراء إلي معدومة.. تعبنا".

وتعدد شكاوي سكان زهراء مدينة نصر من شبكة Vodafone فودافون عبر "جروب سكان زهراء ضباط القوات المسلحة مدينة نصر"، فتقول نانسى حسن : "والله فعلا المشكلة أن مابقاش حد عارف لا يستقبل ولا يتصل وبس عمال العداد يعد مكالمات من غير أي لازمة .. كل شوية اقفل واتصل ولا حد سامعني.. وبسمع بس أصوات غريبة زي الغربان والوحوش والصفير.. ده بيبقى فيلم رعب وليس اتصال.. احنا ساكنين في زهراء مدينة نصر المرحلة التانية.. يارب حد يتدخل ويحل المشكلة في كل الزهراء".

اقرأ أيضًا.. فروع فودافون Vodafone على مستوى الجمهورية
ومن جانبه، قال ناصر على " المشكلة مش فى الزهراء بس.. المشكلة انعدام الضمير والسرقة والنهب من هذه الشركات التى لم تجد مسؤل يحاسبهم".

ويواصل موقع تحيا مصر متابعة كل مايخص شكاوي شبكة Vodafone فودافون من قبل عملاء الشركة الكرام، بالإضافة إلى آخر أخبار الشركة في عالم الاتصالات.