بعد نجاح أغنية فعلا مبيتنسيش.. حسام حبيب لتامر حسني ورامي صبري: خليتوني أفتخر إني من الجيل ده

حرص الفنان حسام حبيب على الإشادة بالفنان تامر حسني والفنان رامي صبري بعد نجاحه في أغنية فعلا مبيتنسيش والتي طرحها مؤخرا على حساباتهم الرسمية بموقع الفيديوهات الشهير يوتيوب.

حسام حبيب عن تامر حسني: انت حلم لجيلك

وكتب حسام حبيب عبر حسابه الرسمي بموقع تبادل الصور والفيديوهات انستجرام في منشور رصده موقع تحيا مصر: أنا بكتب كلمتين من قلبي مش عارف هي مباركة ولا شكر ولا درس وبداية جديدة لجيل أنا فخور إني أكون منه، إخواتي وأصحابي، تامر أنت من زمان وأحلامك وأفكارك كانت دايما تخص جيلك ودائما كنت بتتكلم معانا من واحنا صغيرين باسم جيلنا مش باسم تامر، بس أنت حلمت لجيلك وعلشان كده أنا فعلا فهمت يعني إيه نجم الجيل، كنت زمان فاهم إن المقصود بيها إنك الأنجح وده حقيقي، لكن النهاردة فهمت معناها الحقيقي: أنت النجم اللي حلم لجيله مش لنفسه ودلوقتي حلمك بيتحقق يا صاحبي.

حسام حبيب عن رامي صبري: أجمد صوت واحساس

وتابع حسام حبيب حديثه مشيدا بالفنان رامي صبري: والنجم الثاني أخويا صاحب أجمد صوت وإحساس، كان دايما بيقولي أنا بحلم وعندي هدف وهو كمان كان دائما مهتم إن إحنا كجيل لازم نشارك بعض ونقدم للناس حقيقة روح وفن الجيل ده، وكان بكل تواضع بيقول ده لكل فنانين جيله لحد ما التقوا النجمين اللي هدفهم صادق وطلعولنا إبداع مش بس في المزيكا لا والله في الروح والفكر.

حسام غالي وسيد عبد الحفيظ وتامر حبيب ومدحت العدل حكام مهرجان الأفضل 2024.. تفاصيل

تامر حسني يدعم بسمة بوسيل بعد طرح أغنية "لا ثواني": أغنية جميلة بنصحكم تسمعوها

حسام حبيب لرامي صبري وتامر حسني: فرحتوني وأمتعتوني  

واختتم حسام حبيب حديثه قائلا: أنتم فرحتوني وأمتعتوني وخليتوني أفتخر إني من الجيل ده، اللي إن شاء الله عمر فنه وإبداعه ما هيخلص.. شكرا إنكم فتحتم نفسي ورجعتوني أحب المزيكا يمكن اكتر من الأول يا جيل جامد وجامد قوي كمان، أنتم فعلا متتنسوش.

من ناحية أخرى، كان قد كشف الفنان حسام حبيب فضل المحلن محمد رحيم عليه، وذلك بعد رحيله عن عالمنا في فجر أمس السبت بعد تعرضه لأزمات مرضية في أيامه الأخيرة، مشيرا إلى أنه لولا مساندة  رحيم له ما دخل الوسط الموسيقي ظن الأساس.