مازن جمال عبدالناصر: والدي مكنش حاببني أدخل التمثيل كان مشفق عليا من اللي بيشوفه

تحدث الفنان مازن جمال عبدالناصر في أول لقاء له بعد تألقه الكبير في مسلسل نقطة سودة والذي شارك به إلى جانب نخبة من نجوم الفن على رأسهم الفنان أحمد فهمي والفنان أحمد مجدي والفنان أحمد بدري ووفاء عامر ونجوم آخرين، عن موقف والده من دخول مجال التمثيل وكيف تخطى شبح كونه ابن ممثلا.

مازن جمال عبدالناصر: في بدايتي كان عندي عقدة من والدي.. أنا مكنتش عايز أكون شبهه

وقال مازن جمال عبدالناصر في لقاءه مع موقع تحيا مصر: مكنتش عايز أكون شبهه ولا أعمل اللي هو بيعمله وبعدين تصالحت مع الموقف وعرفت اني ليا لوني الخاص ولكن ده مينمنعش أنه رأيه مهم بالنسبالي واي دور بعمله لازم يكون القرار الأخير ليهم، وبيتفرجوا على أعمالي ويقولوا رأيهم بصدق، واكتر رد فعل كان مرضي بالنسبة ليا هو رد فعل والدي على دوري في نقطة سودة.

مازن جمال عبدالناصر: موضوع الواسطة مبتضيقنيش والاستمراية مش حكر على حد

وتطرق بحديثه عن الواسطة ودخول التيك توكر عالم التمثيل، فقال: لو هنبص تحت رجلينا فهو ظلم مؤقت أن فلان خد الدور اللي أنا ممكن العبه وأنا لا وكل واحد بيشوف نفسه الاحسن، بس الاستمرارية مش حكر على حد دي حكر الناس اللي في الشارع.

وبشأن الواسطة قال: موضوع الواسطة ده مبيضايقش هو كان بيزعلني الأول لكن دلوقتي عادي وبشوف أنهم حقهم يفكروا أن والدي دخلني مجال التمثيل، انا كنت مساعد مخرج في الاول وكان فيه شغف عندي تجاه التمثيل بس كنت خايف من المقارنة بيني وبين والدي وأبناء الفنانين هما المظلومين أصلا لانه طول الوقت في مقارنة ومهما عمل حلو يقولوا أبوه جابه وأنا قررت ادخل معهد التمثيل عشان ارضي نفسي.

مازن جمال عبدالناصر: دوري في «نقطة سودة» أثر بي وكنت حريص ألا أكون مثل والدي|حوار

مازن جمال: دور هيثم في نقطة سودة كان صعب وليه أبعاد نفسية.. أثر فيا وخد مني كتير| خاص

موقف والد مازن جمال عبدالناصر من دخوله الممثل 

وعن موقف والده من دخول مجال التمثيل، قال مازن جمال عبدالناصر: والدي مكنش حابب أني ادخل مجال التمثيل على عكس والدتي لانه كان خايف طول الوقت اني أتحط في مقارنات خاصة اني في الاخراج كنت ناجح جدا فكان دايما بيقولي خليك فيها واحنا بقينا كتير جدا ممثلين وفنانين بالوسط الفني بيعاني من شلالية هو داقها فمكنش عايزني أجربها أنا كمان.

يذكر، أن مازن جمال عبدالناصر شارك في مسلسل نقطة سودة إلى جانب نخبة من نجوم الفن وهم أحمد فهمي، أحمد مجدي، ناهد السباعي، أحمد بدير، سارة سلامة، ناهد رشدي، وغيرهم، والمسلسل من تأليف أمين جمال ومينا بباوي، ومن إخراج محمد أسامة.