مازن جمال: دور هيثم في نقطة سودة كان صعب وليه أبعاد نفسية.. أثر فيا وخد مني كتير| خاص

تحدث الفنان مازن جمال عبدالناصر عن دوره في مسلسل نقطة سودة والذي تم يعرض على شاشة قنوات mbc مصر، مشيرا إلى أن هيثم كان من الأدوار الصعبة جدا والذي لديها العديد من الأبعاد النفسية كما أنه أثر به بدرجة كبيرة وأخذ من مازن الكثير.

مازن جمال عبدالناصر: وافقت على هيثم بدون ما أكمل قراءة سيناريو نقطة سودة 

قال مازن جمال عبد الناصر خلال لقاءه مع موقع تحيا مصر، عن تفاصيل مشاركته في  مسلسل نقطة سودة بدور هيثم: دوري كان ترشيح المخرج محمد أسامة والسيناريست أمين جمال، كان لينا تجربة قبل كدة في مسلسل وسط البلد وعملت صدى كويس جدا والعمل كان في التوب لمدة سنة ونص، وكلموني وبعتولي الورق ومكملتش قراءته كنت وافقت عليه، هو مجهود كبير أوي انك تطلعي شخصية لحم ودم فلما تكون جاية وعلاقتها واضحة وتركبته الأساسية متركبة وفاهمة هو جاي منين ورايح فين كأنك بتقرأي حاجة وانتي شايفاها فالدور كان مكتوب بطريقة جميلة جدا.

مازن جمال عبدالناصر: قعدنا شهرين نعمل بروفات مسلسل نقطة سودة 

واستكمل مازن جمال عبدالناصر الحديث عن كواليس تحضيراتهم مسلسل نقطة سودة، قائلا: المسلسل مش سهل خالص وكنا محظوظين في العمل ده بالمنتج صادق الصباح، فما كانوا موفرين كل السبل أننا نعمل عمل كويس وكمان كنا محظوظين في الوقت، كنا داخلين المسلسل معانا 30 أو 35 حلقة فكل حاجة جهزة، غير انك المخرج مخلص جدا ومفوتش تفصيلة فقعدنا شهرين بنعمل بروفات قبل التصوير، وكل واحد واخد مصارين الدور وكان في وقت كبير جدا في التصوير.

مازن جمال عبدالناصر: شخصية هيثم أثرت فيا وخدت مني كتير 

وأكد مازن: التحضير لهيثم كان صعب لأنه كان ليه بعد نفسي كبير جدا، كان عامل ازاي وبيعمل اي وعلاقته بأبوه عاملة ازاي فقعدت أتخيل عيشته وحجم التهميش اللي هو كان متهمشه في البيت واي اللي وصله للمرحلة اللي هو فيها دي، هيثم مكنش مدمن عشان حابب الإدمان، هو مدمن كعقاب لابوه وده ظهر في أول مرة ليه مع أحمد بدير هو كان عايز يعاقب أبوه على اهماله هو كان سلبي ومعندوش حاجة يعملها غير أنه بيحب فريال. 

وتابع: الشخصية أثرت جدا فيا وخد كتير مني ويمكن ده أكتر مسلسل لمس مازن.

تحيا مصر يكرم الفنان مازن جمال عبد الناصر عن دوره في مسلسل نقطة سودة

يسرا الجديدي: مشاهدي في نقطة سودة هتغير مجرى الأحداث.. والعمل مختلف عما قدمته من قبل

مازن جمال عبدالناصر: لو مشوفتش مبررات هيثم أنه يبقى مدمن مش هعرف ألعبه

واختتم مازن حديثه: انا شايف مبررات هيثم في أنه يبقى مدمن، لو أنا مشوفتش مبرراته مش هعرف ألعبه، احنا بقينا في مرحلة أن الجمهور ذكي جدا وبتتفرج على كل حاجة، فبقينا في واقع مرعب وهو كان فاهم ليه بيعمل كدة.

وعن النصيحة التي يقدمها لكل ما هو هيثم: الانسان هو مراية نفسه وهو أدرى واحد بيعمل كدة ليه. نفسه اي يحصل عشان حياته تبقى كويسة، ومش عيب أما انسان يطلب من حد يساعده ويسند عليه ومش عيب إني أغلط بس عيب إني أبرر الغلط.