معتزلش.. رامي إمام يكشف شرطا لعودة الزعيم عادل إمام للشاشة

كشف المخرج رامي إمام تفاصيل الحالة الصحية لوالده الزعيم عادل إمام، متحدثا عن مفاجأة في عودته إلى التمثيل مرة أخرى وذلك خلال لقاءه مع برنامج et بالعربي، مشيرا إلى أن والده بخير للغاية ويستمتع مع أحفاده في الفترة الحالية.

رامي إمام عن حالة الزعيم الصحية: مش محتاج أطلع اطمن الناس لأنه كويس

وقال رامي إمام في تصريحات رصدها موقع تحيا مصر: أنا مش محتاج أطلع أطمن الناس على الزعيم عادل إمام كل شوية لانه مفهوش حاجة، احنا طول عمرنا من وقت ما كنت صغير انا واخواتي واحنا بنسمع شائعات عننا وعنه، أما نروح شقة يقولوا عمارة عادل إمام لو بناكل في مطعم يقولوا بتاع عادل إمام فبقينا نتعامل مع الموضوع عادي وطبعا مع الوقت الشائعات بتتغير.

وأكد رامي إمام في حديثه عن الزعيم عادل إمام: بحكم السن الناس بتقول أنه اكيد مريض لكن طبعا لا هو كويس جدا جدا جدا وبيستمتع مع أحفاده وهو الشائعات مش بتأثر فينا لأننا متعودين لكن هو شايف ومتابع كل حاجة وساعات بيتأثر بده بس عارف جمهوره كويس ومتفهم أن الحاجات دي طبيعية.

رامي إمام يكشف مفاجأة في عودة الزعيم عادل إمام للتمثيل 

وعن إمكانية عودة عادل إمام للتمثيل مرة أخرى، أكد رامي إمام إلا أن الأمر يعود إلى العمل الذي يعرض عليه، موضحا: عادل إمام عمل كل حاجة في الفن والسينما ولو أتعرض عليه حاجة مختلفة هو مستعد يرجع تاني عادي لكن هو مش عايز يكون موجود لمجرد التواجد، فإن شاءالله لو جاله عمل فني حلو فهتشوفوه تاني عادي.

وكان قد أثار رامي إمام الجدل حول اعتزال الزعيم عادل امام، حيث قال في تصريح خاص لموقع تحيا مصر: الزعيم زي الفل ولسة مكلمني من شهر كان عجبه حلقة في برنامج ليك لوك وهو متابع السوشيال ميديا كويس ومش شرط عشان الواحد اعتزل يبقى تعبان يعني.

بعد تصريح "أنا بضحك أكتر من عادل إمام”.. سارة نخلة تهاجم لطفي لبيب

أحمد عز: دعوات أمي السبب في اللي أنا فيه دلوقتي وهذه نصيحة عادل إمام لي

آخر ظهور للزعيم عادل إمام 

يذكر، أن آخر ظهور للزعيم عادل إمام كان من خلال صور انتشرت له في عيد ميلاده قبل الماضي ظهر بها رفقة عدد من النجوم وأفراد أسرته وكان من بين ناشري تلك الصورة هو الفتان خالد سرحان، وبعدها لم يظهر الزعيم على الساحة مرة أخرى، حتى ظن الجمهور أنه مصاب بالزهايمر ويمنع عنه أسرته الزيارة.