أول تعليق من خالد يوسف على قضية عمر زهران: مش هسكت للي شتمني.. وفوجئت بحملة شديدة الإجرام ضدي

حرص المخرج خالد يوسف التعليق على قضية اتهام المخرج عمر زهران بسرقة مجوهرات شاليمار الشربتلي زوجته، وذلك من خلال منشور عبر حسابه الشخصي على موقع التواصل الاجتماعي فيسبوك.

أول تعليق من خالد يوسف على قضية عمر زهران

وقال خالد يوسف في مقطع فيديو رصده موقع تحيا مصر: أنا طالع النهاردة بعد امتناعي فترة طويلة جدا من امتناعي عن التعليق على قضية عمر زهران واتهامه بسرقة مصوغات ذهبية وألماظ من زوجتي، برغم كل اللي اتقال فضلت أني أصمت تماما لغاية ما يحكم القضاء ويقول كلمته، في النهاية في قضاء ونيابة وبوليس توجهنا ليه ومعملناش حاجة خطأ.. احنا اتسرقنا وتوجهنا للبوليس والبوليس ودانا النيابة واتاخدت أقوالنا.. وفجأة اديرت حملة ضدنا كأن احنا اللي ارتكبنا السرقة.. احنا مجني علينا.. وفوجئنا بحملة شديدة الإجرام طالتنا.

وتابع: وأنا توجهت للجهات المسئولة وتقدمت ببلاغات ضد بعض اللي وجهوا ليا الاتهامات وأساءوا ليا قصفا وسبا وتشهيرا وطعنا في الأعراض.. ومن النهاردة مش ناوي أسكت.. أنا سكت كتير جدا على كل الحملات الممنهجة ضدي.

خالد يوسف يكشف مفاجآت في قضية عمر زهران

واضاف خالد يوسف: مراتي عاشت فترة في جدة وأنا كنت بتردد عليها وشقتها في مصر كانت مقفولة واللي كان معاه المفتاح عمر زهران والمحاسب بتاعها وأنا اللي عرفت عمر زهران على شاليمار من 10 سنين وقولتلها اد ايه أنا بثق فيه وهو صاحبي وكان مسئول عن كل عقاراتها اللي في مصر ومعاه كل مفاتيحها.

واستكمل: لما اتسرقت الحاجات حققوا مع عمر والمحاسب عشان هما دول اللي معاهم المفتاح وسألوهم أسئلة عادية ومتوصلتش المباحث لتحديد من هو الفاعل.. لغاية ما فوجئنا من شهور بسيطة قالولها أن القضية اتحفظت عشان احنا معرفناش نجيب الفاعل.. وقررت تفتح القضية تاني.. وفي الفترة دي عمر زهران بدأ يتوتر وبدأ يحاول يلاقي مبررات كتير لعدم فتح القضية ولما فتحتها تاني بدأ يمنعها بأي شكل من أنها تمشي في القضية ولما فشلت جهوده قالها الحاجات دي موجودة فى الشقة تعالي ندور كويس يمكن نلاقيها.

بعد قليل.. محاكمة المخرج عمر زهران لسرقته مجوهرات زوجة خالد يوسف

الصديق وقت الضيق.. صديق المخرج عمر زهران يوجه رسالة لشاليمار زوجة خالد يوسف

أحدث أعمال خالد يوسف في السينما

ويذكر أن أخر أعمال خالد يوسف في السينما فيلم الإسكندراني الذي تدور أحداثه داخل مدينة الإسكندرية حول بكر الذي يلعب شخصيته الفنان أحمد العوضي، الذى يعيش فى صراعات مع والده الذي يحاول أن يثبت شخصيته امامه، فيسافر إلى الخارج من أجل تحقيق ذاته وبرفقته صديقه زكى الذى ويجسد دوره الفنان عصام السقا، لكن عندما يعود يجد أن تلك الأزمات ما زالت موجودة وتتوالى الأحداث في اطار اجتماعى أكشن مشوق.