طارق العريان: كنت مكسوف أقول لوالدي عايز أدرس سينما وأحمد زكي كان مصدق فيا

حل المخرج طارق العريان ضيف على برنامج صاحبة السعادة والذي تقدمه الإعلامية إسعاد يونس على قناة dmc، حيث تحدث خلاله عن بدايته في مجال الاخراج وكيف استطاع أن يقنع والده بدخول هذا المجال، ومواقف محرجة تعرض لها في البداية.

طارق العريان: درست سنتين في هندسة وحولت معهد سينما 

تحدث طارق العريان عن دخوله مجال الاخراج فقال في تصريحات رصدها موقع تحيا مصر: كنت دائما بنزل ما والدي التصوير لحد ما بقى عندي شغف وحب إني أبقى زيه بس كنت مكسوف أقول لوالدي عايز أدرس سينما لأن اخواتي في هندسة وببزنس فأما سافرت أمريكا ودي حاجة معتادة عندنا أول ما نخلص ثانوي لقتهم دخلوني هندسة لوحدهم كدة بدون ما يسألوني.. قعدت سنتين وبعدها أخويا سألني انت عايز اي قولتله عايز ابقى مخرج قالي امال قاعد في هندسة ليه وحولت سينما بعدها.

وعن حبه لمجال الإخراج، قال طارق العريان: انا طول عمري بحب الأفلام واتفرج عليها وإني اقدر اعمل مشهد ولقطة وفكرة دي كانت حاجة بهراني.

طارق العريان ورحلته مع أحمد زكي 

وكشف طارق العريان عن بدايته مع النجم الكبير أحمد زكي، مشيرا إلى أنه كان خجول زيادة عن اللزوم وتعرض لموقف محرج من الفنان أحمد زكي، موضحا: كنت بصور معاه فبديله بعض التعليمات قالي حبيبي أنا بصور وإنت لسة بالشورت وصغير قد كدة، بعدها أخويا قالي في ورشة كويسة لازم تروح تاخدها هتعلمك الجراءة أكتر وازاي تتعامل في المواقف اللي زي دي.

وتابع حديثه عن أحمد زكي، قائلا: كان دايما بيقولي أنا مصدق فيك ومأمن ليك.

الإثنين والثلاثاء.. طارق العريان وزوجته نيكول سعفان في ضيافة برنامج صاحبة السعادة

أخر أعمال طارق العريان

ومن الجدير بالذكر، أن أخر أعمال طارق العريان فيلم ولاد رزق 3، وفي هذا الجزء، وبعد مرور سنوات وانفصال الأخوة في طرقهم الحياتية المختلفة، لكن في يوم من الأيام، يعود شبح من الماضي ليلقي بظلاله على ولاد رزق، مما يجبرهم على العودة إلى حياة الجريمة والسرقة مرة أخرى حتى ينجوا بأنفسهم، في عملية مصيرية هي الأكبر والأخطر والأهم في تاريخ ولاد رزق.

وشارك في بطولة الفيلم عدد كبير من النجوم والنجمات، منهم: أحمد عز، عمرو يوسف، آسر ياسين، كريم قاسم، علي صبحي، محمد ممدوح، وغيرهم، والفيلم من تأليف صلاح الجهيني، وإخراج طارق العريان.