ما بدهاش بقى لازم أتكلم.. بسمة وهبة تكشف مفاجآت صادمة في قضية عمر زهران

خرجت الإعلامية بسمة وهبة في فيديو جديد لتعرب الجمهور عن عدم قدرتها على الصمت أكثر من ذلك في قضية المخرج عمر زهران والذي اتهم فيها بسرقة مجوهرات شاليمار الشربتلي زوجة المخرج خالد يوسف، رغم عمق الصداقة التي كانت بينهم وتردده الدائم على منزلهم كأنه بيته.

بسمة وهبة تكشف مفاجآت صادمة في قضية عمر زهران 

وخرجت بسمة وهبة منذ قليل على حسابها الرسمي بموقع تبادل الصور والفيديوهات انستجرام في فيديو رصده موقع تحيا مصر، وهي تشوق المتابعين لبث مباشر جديد في تمام الساعة الثامنة من مساء اليوم الجمعة وذلك على حسابها الرسمي بموقع الفيديوهات الشهير يوتيوب.

وقالت بسمة وهبة في الفيديو: أنا مقدرش اسكت أكتر من كدة أنا هتكلم، استنوني النهاردة الساعة 8 في لايف جديد.. ما بدهاش بقى.

بسمة وهبة: موقف عمر زهران قوي جدا في القضية 

وكانت قد ظهرت بسمة وهبة في آخر فيديوهاتها عن قضية عمر زهران وهي تقول: مبدئيا كدة للتوضيح شاليمار الشربتلي معرفهاش من قريب ولا من بعيد ولا احب أعرفها ومحاميين المستشار علاء عابد كانوا معايا بصفتي شاهدة مش عشان يدافعوا عن قضية عمر زهران، فعشان الناس المريضة اللي بتقول علاء عابد ساب قضية عمر زهران عشان موقفه ضعيف والكلام ده.

وأضافت: موقف عمر زهران قوي جدا وربنا هينصره وطبعا علاء عابد بديني بعض الثغرات القانونية وبستشيره في بعض الحاجات  فعشان كدة استنوني بكرة هبهركم بمفاجأة إن شاءالله تتحملوها وربنا ينصر عمر زهران هو مش بس أنا اللي بدعمه، مصر كلها واقفة وراه وبتدعمه.

بسمة وهبة: معرفش شاليمار الشربتلي ولا عايزة أعرفها وبكرة هبهركم بمفاجأة يارب تتحملوها

بسمة وهبة تكشف مفاجأة: قضية عمر زهران فيها قصة غير اللي الكل يعرفها

نجوم الفن يساندون عمر زهران 

وكان قد حرص عدد كبير من نجوم الفن على محاكمة عمر زهران، من بينهم مدحت تيخا والذي كتب: شهادة حق عن عمر زهران  انه إنسان محترم جدا ومثقف ويحب كل الناس وجمعنا اكثر من عمل عمرنا ما شوفنا منه حاجة وحشه بالعكس وباذن الله أزمة وهتعدي والحق يظهر وربنا معاك يا حبيبي.

فيما كتبت الفنانة هالة صدقي: بالرغم من قسوه التجربه لكن بهنئ العزيز الغالي عمر زهران علي هذا الكم من الحب والاحترام الذي لا يشتري بالمال المال فقط يشتري به ضعفاء النفوس، طول عمرك راجل ومحترم وصاحب صاحبك ويا عيني علي اللي خسر صداقتك ، مصيبته اكبر ، ودي ضريبه اخلاصك ، وتاكد ان حساب ربنا اقوي بكتير ومن أي حد مهما كانت قوته.