في اتهامه بالتعدي على فرد أمن.. المحكمة تبرئ إمام عاشور

قضت محكمة جنح الشيخ زايد، اليوم السبت، ببراءة إمام عاشور لاعب النادي الأهلي، على خلفية اتهامه بالتعدي على فرد أمن داخل مول في منطقة الشيخ زايد.

محمد عثمان محامي إمام عاشور: لا يوجد ما يمنع إمام عاشور من السفر مع الأهلي إلى الإمارات.. واللاعب تعرض لضغوط كبيرة في قضية فرد الأمن

شوبير: إمام عاشور شغل نفسه بحاجات شتت تركيزه.. ولكن أنا براهن عليه فى السوبر

الجلسة السابقة في إتهام إمام عاشور بالتعدي على فرد أمن

وشهدت جلسة السابقة تقديم المحامي علي فايز، دفاع فرد الأمن المجني عليه، مذكرة إلى هيئة المحكمة، طالب فيها بتوقيع أقصى عقوبة على أمام عاشور، كما تقدم بطلب بتعديل القيد والوصف من اتهام بالتعدي بالضرب، إلى استعراض القوة والتلويح بالعنف.

محامي إمام عاشور: موكلي يشعر بالخوف من ضياع حقه

وقال فايز دفاع المجني عليه إن موكله عبدالله رمضان فرد الأمن شعر بالخوف من ضياع حقه، وأخبره أن "أمام عاشور مش فوق القانون، وإحنا في دولة قانون.

تحقيقات النيابة في قضية تعدي إمام عاشور على فرد أمن 

وقد جاء في اعترافات إمام عاشور لاعب النادي الأهلي في أمام جهات التحقيق، “اللي حصل إني كنت في الرحاب في التجمع الخامس مع صاحبي محمود، وجالي تليفون من مراتي بتقولي إن فيه شباب عاکسوها وعايزاني أكلم معاذ أهديه علشان ميعملش مشكلة، وساعتها أنا كلمت عمر أخو مراتي الكبير، وقولتله قول لمعاذ يهدى ميعملش حاجة، ولما تطلعوا من السينما في أركان بلغوا مشرفين الأمن باللي حصل ويتحفظوا عليهم لحد ما آجي ونعمل محضر”.

اعترافات زوجة إمام عاشور

فيما قالت زوجة إمام عاشور اللي حصل إن يوم الأربعاء أنا كنت رايحه السينما مع إخواتي وأهلي وبعد شباك التذاكر من اليمين سمعت ناس ورايا  بيقولوا دي مرات إمام عاشور شكلها، وحجم كبير وتعدوا عليا لفظيا وتحرشوا بيا بألفاظ مش كويسة.

وأكملت زوجة إمام عاشور لاعب النادي الأهلي في التحقيقات التي اطلع عليها دفاع إمام عاشور: بعد كدا سمعت حد بيقول للتاني تعالي وراها وطلعت على السلم الكهرباء وأخويا مشي معايا وفضلوا ورايا بيتريقوا وانا مش مركزة بيقولوا إيه واخويا مسكني من أيديا واستنيت باقي اخواتي علشان أخلي الناس اللي ضايقوني يعدوا الأول ولما أخويا الكبير جه روحنا وقفنا عند الراجل بتاع التيكت وأخدنا التيكت والشباب دي فضلت واقفة يبصوا علينا ويضحكوا".