عمرو مصطفى: بيظهروني بتاع مشاكل عشان يخلوني منافق زيهم وبسمع الكلام
ADVERTISEMENT
تحدث الملحن عمرو مصطفى بطريقة غامضة عن بعض الأشخاص الذين يحاولون وضعه في مشاكل كبيرة وذلك لكي يبقى مثلهم ويسير على نهجهم لكنه مصر على الطريقة التي يتعامل بها ويقدم بها أعماله الفنية مهما كانت الحرب.
عمرو مصطفى: عايزني ابقى منافق وبسمع الكلام زيهم
وقال عمرو مصطفى في منشور غامض عبر حسابه الرسمي بموقع التواصل الاجتماعي فيسبوك ورصده موقع تحيا مصر: بقالهم ٢٥ سنة وهمّا بيحطوني في مشاكل علشان يظهروني إني بتاع مشاكل، وكل ده عشان يخلوني زيهم، منافق وبيسمع الكلام!.
وتابع عمرو مصطفى حديثه: بس بصراحة؟ لو رضخت في يوم، هتبقى اللحظة اللي أقول فيها باي باي لموهبتي الحقيقية، وكأنهم كسبوا المعركة. أنا بختار أسمعكم ألحان صادقة، وعندي طريقتي الخاصة اللي مش هتنازل عنها مهما كانت الحرب شغالة! يا جماعة، أنا صادق بروحي، وده اللي مضايقهم، لكن هفضل كده! خلّوني في حالي.. موهبتي مش للبيع!، الصدق هو سر موهبتي، ومش هتغير علشان حد.
عمرو مصطفى: مش هشتغل الا مع شباب
وسبق قال عمرو مصطفى في تصريحات تليفزيونية سابقة عن خطة عمله في مشروعه الجديد، حيث قال: قررت بعد 25 سنة في التلحين إني مش هشتغل إلا مع شباب واعتبرت ده مشروعي لأن مصر ولادة ولازم دايمًا نطلع الشباب.
وتحدث عن هذا الأمر من خلال منشور عبر حسابه الرسمي بموقع التواصل الاجتماعي فيسبوك، قائلا: بعد النجاح الكبير اللي حققته، أنا مش شايل من حد بالعكس، أنا مسامحكم كلكم لأن بعد اللي شفته ده، عرفت إن الطاقة دي ممكن تتوجه لحاجة أفضل صفحة جديدة ببدأها مع جيل الشباب اللي بجد بيستحقوا الفرصة الماضي كان ليه ناسه، لكن المستقبل للشباب اللي عنده طموح وقتكم انتهى، لكن ده مش معناه إن الحياة بتقف لكل جيل فرصته، وأنا هنا لدعم الجيل الجديد مع كل الحب.
آخر أعمال عمرو مصطفى
وكانت آخر أعمال عمرو مصطفى هي طرح أغنية معرفش ينساني عبر مختلف منصات الاستماع العربية ومنصة الفيديوهات الشهيرة يوتيوب، وحققت أغنية عمرو مصطفى الأخيرة نجاحًا واسعًا وتخطت ملايين المشاهدات، وجاءت الأغنية من ألحان عمرو مصطفى، ومن جانب أغنية معرفش ينساني كان أعلن عمرو مصطفى عن استعداده لإعادة طرح أعماله الغنائية بأصوات شابة جديدة وطرحها من جديد ومن المتوقع أن تشهد تلك التجربة نجاحًا كبيرًا وأن تصبح علامة بارزة في تاريخ عمرو مصطفى.
جوجل نيوز
تطبيق نبض
