خاص| إنجي يحيى: عمري ما اشتري شنطة بنص مليون جنيه.. ونفسي أحاور عادل إمام

تحدثت الإعلامية إنجي يحيى عن الكثير من الأمور التي تخص الموضة والأزياء في حياتها، وذلك من خلال لقاء لها لكاميرا موقع تحيا مصر، في ملتقى الفن والموضة.

تصريحات إنجي يحيى عن الأزياء والموضة

وقالت إنجي يحيى في تصريحات خاصة لموقع تحيا مصر: يسرا بالنسبالي أيقونة الموضة، نفسي لما أبقى في سنها أبقى في ربع حلاوتها وشياكتها، وعادة باخد رأي صحابي أو جوزي في لبسي وساعات مش باخد رأي حد وبلبس اللي موجود وخلاص، ومعنديش ناس معينة بسألهم.

وبسؤالها عن أغلى قطعة أزياء تقتنيها قالت إنجي يحيى: مش بحب الحاجات الغالية، وأكيد عندي حاجات غالية، بس فكرة أني اشتري حاجات لمجرد أنها براند مش هعمل كدا، أكيد مش هشتري شنطة بـ 250 ألف جنيه ولا بنص مليون جنيه عشان ألبسها شوية وفي الأخر تروح موضتها حتى لو مش هتروح.

إنجي يحيى: فستاني اتقطع يوم خطوبتي

وفي اللقاء ذاته، كشفت إنجي يحيى عن أكثر المواقف إحراجا التي تعرضت لها بسبب الأزياء، فقالت: على طول السوستة بتعلق وبتتقطع، فاكرة يوم خطوبتي والناس كانت موجودة بس وأنا بقفل السوستة بتاعت الفستان طلعت في أيدي.

وعن نصيحتها للفتيات في عالم الأزياء والموضة قالت إنجي يحيى: البنت لازم يكون عندها ثقة في نفسها عشان اي حاجة هتلبسها هيكون شكلها حلو، دايما خليكي بسيطة، ودي أكتر حاجة مش هتندمي عليها ابدا، سيبك من التريندات والتقاليع والموضة.

وعن أكثر الأشخاص الذين تستعير منهم الملابس، قالت إنجي يحيى أنها دائما ما تستعير من أخت زوجها الأزياء.

روجينا: عملت دايت عشان المسلسل الجديد.. والرجالة هيزعلوا جدًا منه

حلا شيحة عن إعادة عرض فيلم السلم والتعبان في مهرجان الجونة: فرحانة جدًا لأنه عمل أثر في ناس كتير

إنجي يحيى: نفسي أحاور الزعيم عادل إمام

كما كشفت إنجي يحيى عن أمنيتها بمحاورة الزعيم عادل إمام، فقالت: نفسي أحاور الزعيم عادل إمام لأنه أيقونة كبيرة جداً وكان نفسي يكون ليا الشرف أن أنا أحاوره وأعمل معاه انترفيو بس طبعا أكيد الموضوع صعب وهسأله أقوله عملت ايه عشان كل الناس دي تحبك بالشكل دا، اللي أنا عارفاه أنه بيتعامل على طبيعته أوي، وعمري ما شوفت حد مشهور بالشكل دا وكل الناس متفقة عليه سواء جوا مصر أو برا مصر.