عالم أزهري: عمر كمال أساء الأدب مع الله والغناء حلال وماله طيب

قال الشيخ إبراهيم رضا أحد علماء الأزهر الشريف أن المطرب عمر كمال أساء الأدب مع الله وعليه أن يستغفر .

عمر كمال او غيره مجرد سبب والرزاق هو الله

وأضاف الشيخ إبراهيم رضا أحد علماء الأزهر الشريف خلال تصريح خاص لموقع تحيا مصر أن المطرب عمر كمال تسأل هل يكمل في التبرع  والتصدق من ماله في اعمال الخير أم بتوقف تحت بند "ان الله طيب ولا يقبل الا طيب" ، مشيرا الى ان عمر كمال او غيره مجرد سبب والرزاق هو الله .

وأوضح الشيخ إبراهيم رضا أحد علماء الأزهر الشريف عمر كمال سأل الشاهدين في الفيديو الخاص به لماذا يقولوا له ان الله طيب لا يقبل الا طيب ، مشددا على ام حديثه قائلا " عايزني ابطل اساعد الناس" هذه الجمله إساءة أدب مع الله وعليه ام يستغفر الله فيها .

الغناء حلال ولم يتم الاتفاق على انه حرام 

وحول كون عمل عمر كمال بالغناء عمل طيب ام غير طيب قال  الشيخ إبراهيم رضا أحد علماء الأزهر الشريف "الغناء حلال ولم يتم الاتفاق على انه حرام ما دام لا يلهي عن ذكر الله"

هذا  وكان الفنان عمر كمال رد على بعض الانتقادات والرسائل التي تكتب له وكل من يقول أنه لن تقبل أعماله الخيرية لأن أمواله حرام.

عمر كمال في فيديو عبر حسابه على "تيك توك" 

أدوار رفضها فنانين وكانت سبب في نجومية غيرهم
أدوار رفضها فنانين وكانت سبب في نجومية غيرهمأدوار رفضها فنانين وكانت سبب في نجومية غيرهم
وظهر عمر كمال في فيديو عبر حسابه على "تيك توك" وطالب أحد شيوخ الأزهر بالرد عليه وتوضيح الأمر له، مشيرا إلى أنه يقوم بأعمال خير عديدة لكنه لا يكشف عنها.

وقال عمر كمال: "أنا مش بعمل فيديوهات خالص عمري ما عملت فيديو عشان خير وأطلع بسببها تريند، أنا مقتنع أن الخير اللي في السر ربنا بيكرم عنه أضعاف اللي في العلن، أنا ربنا كرمني آخر كرم عشان أنا علاقتي بربنا كويسة، أنا أظن ذلك".

وتابعت عمر كمال: "بس أنا بجد تعبت من الناس نفسيا أوي وعايز حد من الأزهر يطلع يرد عليا ياريت أي شيخ من الأزهر يطلع يرد، أي حاجة بعملها في حياتي يطلع حد يقولي أصل معنى الكلام "ربنا طيب لا يقبل إلا طيب"، أوكي أنا بعمل إيه غلط أنا بروح أغني في فرح بفرح ناس، بروح أغني في عيد ميلاد في حفلة تخرج أنا كعمر كمال عمري في حياتي ما طلعت في لايف أو فيديو قلت بعمل خير بس أنا اللي عايز عملية بعمله أو اللي عايز يساعد في إيجار بعمله أو اللي سقف بيته مش موجود بعمله، أنا بعمل اللي أقدر عليه ".

وأضاف عمر كمال: "أنا فرقتي شايل مسئولية 50 أو 60 فرد فرقتي واللي شغالين معايا وأهلي واللي عايزين علاج، إنت بقى عملت إيه؟ أصل أنت فلوسك حرام؟ أنا فلوسي حرام بساعد بيها أنت بقى عملت إيه؟ اللي عايز يغسل كلى مرتين تلاتة في الشهر أنا عملته لكن أنت عملت ليه إيه؟ واللي سقف بيته الشتاء داخل عليه أنا ببنيه، أنت عملت إيه ؟ أنت اضطرتني أني أقول".

وأكمل عمر كمال: "أنا عايز أعرف من أي شيخ في الأزهر أنا بعمل خير بجيب من هنا بحط هنا، دا غلط ولا صح حد يقولي مين فينا اللي صح هما ولا إحنا، لو أنا غلط أبطل أعمل خير خالص عشان أنا تعبت نفسيا، كل شوية حد يقولي اصل أنت مش بتعمل، أصل أنت مش هيتقبل منك، أنا شايل فرقتي وشايل أسرتي وشايل السواق وعيلتي والناس اللي جيبت لها علاج وعمليات، يارب كل واحد في المجتمع يبقى زي عمر كمال كده يشيل شوية عشان محدش يبقى فقير أصلا".