محمد هنيدي: لو غيرت الكوميدي هتبقى جريمة ومينفعش أتقارن بأستاذي عادل إمام

حل الفنان محمد هنيدي ضيف على برنامج مع نزار الفارس والذي يقدمه الإعلامي الشهير على قناة رابعة المغربية، وتحدث خلالها عن العديد من الاشياء الهامة في مسيرتها ومقارنته في وقت ما بالزعيم عادل إمام.

محمد هنيدي: ماشي على نهج أن أعمالي يبقى فيها مواضيع مؤمن بيها 

تحدث محمد هنيدي في تصريحات رصدها موقع تحيا مصر عن أعماله التي لا تخلوا من القضايا المفيدة والأشياء المناسبة للأسر المصرية والعربية، قائلا: ماشي على نهج من البداية إن أعمالي يبقى فيها مواضيع مؤمن بيها ومحترمة.. وكل الوسط الفني أصدقائي هيبقى فيه بينا خلاف ليه.

وتطرق نزار الفارس بحديثه من محمد هنيدي عن كريستيانو رونالدو وجورجينا، حيث وجه سؤال له، قائلا: "لو كنت كريستيانو رونالدو لمدة يوم واحد هتعمل اي؟"، ليرد محمد هنيدي : "هجيب جون.. كريستيانو ده أول ما بيصحى بيجيب أجوال".

واستكمل نزار الفارس سؤال في تلك الأشياء قائلا: "وهتتجوز جورجينا ولا هتفضلوا أصدقاء"، ليرد محمد هنيدي: اي السؤال ده ياعم انت أنا مالي بيها.

محمد هنيدي: الزواج استقرار نفسي وعاطفي وبيزود الابداع 

وكشف محمد هنيدي عن رأيه في الزواج والأشياء الخاصة به، قائلا: الزواج استقرار نفسي وعاطفي وده بيزود الابداع.. والزواج بلا شك جميل ده سنة الخلق، ومش مع أن الواحد يدي باسورد الموبايل لزوجته لانه من حقه يكون ليه خصوصية ولكن بردو الخصوصية الزيادة تقلق وأنا موبايلي مفتوح في البيت لأي حد.

محمد هنيدي يتحدث عن مشهده مع عادل امام في بخيت وعديله 

وانفعل محمد هنيدي على سؤال نزار الفارس حول حذف مشهده في فيلم بخيت وعديله مع عادل إمام، قائلا: احذفه!  ازاي تقول كده أصلا، ده شرفي ده شرف ليا إني شاركت فيه وده بداية سعدي، حذف اي مينفعش تقول كدة أصلا.

الجمعة.. محمد هنيدي ضيف نزار الفارس في حوار ناري

بعد جدل حلقة نجوى فؤاد.. محمد هنيدي ضيف نزار الفارس في برنامجه الجديد

وتطرق بحديثه عن المقارنة بينه وبين عادل إمام:  مينفعش يقارنوني بأستاذي احنا هنهزر.. ده مشهد صغيرة عملته معاه في بخيت وعديله بعتبره شرف ليا.

وعن إمكانية ابتعاده عن الأعمال الكوميدية، قال محمد هنيدي: مينفعش أقدم حاجة غير الكوميديا دي تبقى جريمة.. ربنا وهبنا أضحك الناس اجي أنا أسيبهم في وقت صعب زي ده وكله محتاج يضحك فيه، أما الناس تبقى مبسوطة في الشارع وماشية بتبسم وقتها هبقى اعمل حاجة غير الكوميدي.