تامر حسني عن سورة الكهف: فيها قصة عظيمة ونفسي كل اللي مش عارفها يعرفها

في يوم الجمعة، حرص الفنان تامر حسني على ذكر عظمة سورة الكهف وتفسيرها، مشيرا إلى القصة التي ترصدها سورة الكهف للمسلمين، وذلك في منشور رصده موقع تحيا مصر عبر حسابه الرسمي بموقع تبادل الصور والفيديوهات انستجرام.

تامر حسني يكشف أهمية قراءة سورة الكهف 

وقال تامر حسني في منشوره: جمعه مباركه على حبايب قلبي .. بمناسبة الجمعه و سورة الكهف العظيمه كنت بقرأها من شويه .. بجد فيها قصة عظيمه بين سيدنا موسى و سيدنا الخضر عليهم السلام .. أنا عن نفسي بحبها أوي و نفسي كل  اللي مش عارفها يعرفها و يفهمها .. أنا عارف إني أقل من إني أتكلم في حاجه كبيره كده بس و أنا بقرأها قولت أبقى أناني أوي لو الجمال ده كله و الفهم و المعاني الرائعه دي موصلتهاش لإخواتي و خصوصاً إننا في عصر أحداثه كتيره و بنشوف قدام عينينا حاجات أكبر من إدراكنا حاجات تخلينا نسأل ليه حصلت.

وتابع تامر حسني حديثها: بخلاف عظمة كل حرف في القرآن الكريم و في سورة الكهف كلها … السوره فيها قصه بتتكلم عن عدم فهمك و إدراكك لكل قدر بيحصل ليك بتبقى شايف إنه شر و إزاي ربنا عملهولك عشان في خير من وراه أكبر بكتير لمصلحتك و لولا اللي هو شر من وجهة نظرك إنه حصلك مكنتش هتعلى و تنجح أكتر يعني لو حد دخل حياتك و إتسببلك في آذاء نفسي أو مادي  لازم تثق إن ده حصل لمصلحتك  بس طبعاً تصبر و تقول الحمدلله من ثقتك في إن ربنا مش بيريد للإنسان غير الخير حتى لو الإنسان شاف إن اللي حصله ده مش خير بيكون عشان عدم مقدرته على الإطلاع على الغيب.

تامر حسني ينصح الجمهور بقراءة سورة الكهف وفهم تفسيرها 

واستكمل تامر حسني حديثه عن سورة الكه: عشان إتأذى بجد و عشان تعب بجد بيشوف إن ده شر بس تخيل لما توصل من الثقه المطلقه في ربنا و إن عمرك ما تحط ربنا في موضع إتهام بإنه مش بيحبك أو إن أقداره غير عادله ، لازم  تفهم إنه فعلاً عمل كده لمصلحتك هتلاقي مصلحتك بتيجي أسرع و البلاء يترفع عشان رضيت و صبرت و قولت أنا واثق فيك يا رب سامحني إدراكي قليل و علمي قليل إني أفهم كل حكمتك بس أنا واثق في عدلك و واثق إنك بتحبني و هقول الحمدلله من أعماق قلبي و صبر بمنتهى الرضى  و ساعتها إتفرج على حياتك و هي بتتغير للأجمل و هتشوف اليقين و هو بيجيلك إنك كنت صح و إن ربنا كان في ضهرك ساعتها بيحميك و بينصرك  رغم ألمك بس أنت مكنتش عارف  لو عايز تعرف أكتر شوف اللينك ده بشكر الجهه الرائعه اللي نفذته و أتمنى نعلم أولادنا كلنا و إحنا كمان قصص الأنبياء لإن فيها دروس كتير والله والله والله بتنفعنا دلوقتي شكراً حبايب قلبي. جمعه مباركه على الجميع  اللهم إحفظ وطنا العربي من كل سوء. 

تامر حسني يتحدث عن والده: كان مطرب ناجح مكملش بسبب الظروف.. وقررت انتقمله

بحضور تامر حسني وباسم سمرة.. محمد ثروت يحتفل بـ عيد ميلاده|صور

تامر حسني في السينما

في سياق مختلف ينتظر النجم تامر حسني حاليًا طرح فيلم ري ستارت الذي يتعاون في بطولته مع النجمة هنا الزاهد، حيث كان أعلن تامر حسني مؤخرًا عن انتهاء تصوير فيلم ري ستارت وأنه ينتظر حاليًا طرحه في دور العرض السينمائي ومن المقرر الإعلان عن موعد عرض فيلم ري ستارت قريبًا.