خالد الصاوي يتحدث عن معاناته مع فيروس سي: مكنتش بقول لحد في الوسط عشان لو عرفوا مش هيشغلوني

تحدث الفنان خالد الصاوي عن معاناته مع فيروس سي في فترة ماضية من حياته، وذلك من خلال لقاء له ببرنامج ab talks مع الإعلامي أنس بوخش.

معاناة خالد الصاوي مع فيروس سي

وقال خالد الصاوي في تصريحاته التي يرصدها موقع تحيا مصر: خفيت من فيروس سي، تم ترشيحي لفيلم عمارة يعقوبيان قابلت مروان حامد قالي لازم تخس شوية عشان الدور فروحت لدكتور خبير التغذية اللي هيتولى الموضوع دا فاداني شوية تحاليل، ولما عملتها وقعدت اتوسع في التحاليل لغاية ما طلعلي حاجة مش فاهمها فروحت لدكتور باطنة وكبد وقالي انت عندك فيروس سي ولما قالي كدا الدنيا كانت بتلف بيا.

خالد الصاوي: فيروس سي ضعيف جدا بس خبيث جدا

وتابع خالد الصاوي: وكان عندي صديقة وقتها قبل الجواز طبعا قولتلها مش هقابلك اليومين دول عشان مكنتش اعرف بينتقل ازاي، ووقتها كنت بكسب ألف جنيه في الشهر، وساكن بـ 900 جنيه وعايش بـ 100 والعلاج في الوقت دا كان 4 آلاف جنيه في الشهر، وقعدت فترة مش بقول في السوق أنه عندي لأني كنت متخيل أنهم لو عرفوا مش هيشغلوني، قولت لأبويا ومقولتش لأمي واختي عشان ميتخضوش لغاية ما عرفت حجمه، هو فيروس ضعيف جدا بس خبيث جدا.

خالد الصاوي: أنا فنان مجنون.. وشكيت كتير في موهبتي

بعد انضمام خالد الصاوي وغادة عادل.. اعرف تفاصيل وأبطال مسلسل سيد الناس

أخر أعمال خالد الصاوي في الدراما

ومن الجدير بالذكر أن أخر أعمال خالد الصاوي في الدراما مسلسل صدفة الذي تم عرضه في الموسم الرمضاني الماضي عبر شاشات التلفزيون المختلفة، وكانت تدور أحداثه حول المُعلمة (صدفة)، التي تجد نفسها متورطة في زيجة لا تعلم عنها شيئًا، فتبدأ السعي لمعرفة كيف تورطت في هذه الزيجة، كما تحاول التواصل مع أسرتها والتقرب منها.

وشارك في بطولة المسلسل عدد كبير من النجوم والنجمات، منهم: ريهام حجاج، خالد الصاوي، عصام السقا، سلوى خطاب، رحاب الجمل، فراس سعيد، وغيرهم، والمسلسل من تأليف أيمن سلامة، وإخراج سامح عبد العزيز، وقد حقق المسلسل نجاحًا جماهيريًا كبيرًا فور طرحه عبر شاشات التلفزيون المختلفة في الموسم الرمضاني الماضي من خلال مواقع التواصل الاجتماعي.