عبد الباسط حمودة: أمي اللي كانت بتصبرني ومراتي وش الخير عليا

كشف المطرب الشعبي عبد الباسط حمودة عن ملامح من حياته الشخصية وذلك خلال حلوله ضيفا على برنامج معكم والذي تقدمه الإعلامية منى الشاذلي على قناة أون، مشيرا إلى فضل زوجته الكبير عليه.

عبد الباسط حمودة: أمي اللي كانت بتصبرني 

قال عبد الباسط حمودة في تصريحات رصدها موقع تحيا مصر: الاغاني الشعبية تراث شعبي وعلي قنديل هو نجمي المفضل.

وأضاف عبد الباسط حمودة في تصريحاته:  أمي هي سر نجاحي واللي كانت بتصبرني على الحياة دايما وانا كان نفسي أتجوز بدري أبويا قالي اصبر انت هتبقى نجم كبير والعيون عليك كتير فمتتجوزش دلوقتي واتجوزت بنت خالتي ومتجوز وانا عندي 22 سنة.

عبد الباسط حمودة: مراتي شافت غلب ومأساة واستحملت 

وتطرق عبد الباسط حمودة بحديثه عن زوجته، قائلا: مراتي شافت مأساة وغلب واستحملت وكانت وشها عليا حلو.. هي عشق روحي وغنتلها كلك عجبني، هي حب طفولتي واول حب في حياتي والحمدلله ربنا رزقنا ب 3 ولاد.

وتحدث عبد الباسط حمودة عن الأفراح الشعبية، قائلا: مبحبش الصوت النشاز ممكن أقوم امشي على طول وانا في الفرح، المطرب الشاطر اللي يحب يسمع الناس الكلام الحلو والجميل ويبقى سبني أغني مبحبش اللي بيقول سلام للناس مش عارف اي بيخرجوني عن المود فبسيب الفرح وامشي.

عبد الباسط حمودة يكشف موقف طريف له في حفل زفاف 

وكشف عن موقف طريف حدث معه في الأفراح الشعبية، قائلا: كنا في فرح والحكومة جت في قلب المكان فجرينا فوقعت في قلب البلاعة الفرقة بتاعتي شالتني الظابط قالي ليه بتجري ده انا جاي اسمعك وحقك عليا، دلوقتي يقابلني يقولي حقك عليا.

عبد الباسط حمودة: كنت بغني في الأفراح بربع جنيه وكنت بقول يارب ابقى نجم

الخميس والجمعة.. عبد الباسط حمودة ضيف برنامج معكم منى الشاذلي

وسبق وقال عبد الباسط حمودة:  كنت بروح أغني في الافراح 9 ساعات وباخد ربع جنيه.. وكنت بقول والنبي يارب عايز ابقى نجم، وأما بشوف النجوم الكبار كنت بقول يارب هو أنا هبقى في يوم من الأيام مكانهم، يارب أنا مش عايز غير أن أبقى زيهم كدة في يوم من الايام.

وتابع عبد الباسط حمودة حديثه قائلا: كنا فقراء وعايشين في أوضة وأبويا كان مداح وكنا بنروح معاه وبناخد بايده وبنكون ورا ضهره.