ريهام عبد الغفور: أصعب حاجة في الجواز الندية والعند.. وبعلم ولادي ازاي يحترموا الست

كشفت الفنانة ريهام عبد الغفور عن تعليمها لأولادها على احترام السيدات، وذلك من خلال لقاء لها ببرنامج كلام نواعم المذاع عبر شاشة تلفزيون قناة إم بي سي وان.

تصريحات ريهام عبد الغفور في برنامج كلام نواعم

وقالت ريهام عبد الغفور في تصريحاتها التي يرصدها موقع تحيا مصر: أولادي بتكلم معاهم كتير ازاي تبقى جنتل مان، ازاي تعامل الست، لازم تحترم الست ومينفعش تهزر مع بنت بالإيد، لازم يحترمها، ويحتويها، وأنا شخصيا لما بشوف راجل بيعلي صوته على واحدة أو بيمد ايده أو بيبص على واحدة تانية بفقد احترامي ليه، وبشوف أجمل شيء في الجواز المودة وأصعب حاجة فيه الندية والعند والأمومة علمتني المسئولية.

ريهام عبد الغفور تتحدث عن السلام النفسي

وفي اللقاء ذاته، تحدثت ريهام عبد الغفور عن السلام النفسي، فقالت: السلام النفسي دا أهم حاجة، الواحد لما بيكبر بيحس أن طموحه هو السلام النفسي، مش اللي هو يكون عنده فلوس أكتر أو نجاح أكتر، ودا مش سهل لأنه بيحتاج بيئة مساعداكي في دا وواحدة زيي بالفعل بتوتر بسهولة أو حساسة شوية، فأني أوصل للسلام النفسي مش أسهل حاجة بس في الفترة دي ابتديت اشتغل كويس على نفسي وبحاول مخدش كل حاجة على أعصابي وفي الفن دا صعب لأنها شغلانة ضاغطة.

ريهام عبد الغفور: ولادي في حياتي رقم واحد.. وابني الكبير أقرب صاحب ليا

ريهام عبد الغفور بعد رفض فيلم أم كلثوم: اتمنى اشتغل مع منى زكي دي ممثلتي المفضلة

أخر أعمال ريهام عبد الغفور

ومن الجدير بالذكر أن أخر أعمال ريهام عبد الغفور فيلم ليلة العيد، والذي تدور أحداثه في إطار درامي، ويتناول العمل قضايا المرأة، من خلال معاناة عدة سيدات يعشن على جزيرة ما، وتتعرض السيدات لعدة مشاكل وأزمات بسبب عدم تفهم بعض الرجال لحقوقهن.

ويشارك في بطولته عدد كبير من النجوم والنجمات، منهم: يسرا، سميحة أيوب، يسرا اللوزي، ريهام عبد الغفور، هنادي مهنا، نجلاء بدر، عبير صبري، وغيرهم، والفيلم من تأليف أحمد عبد الله، وإخراج سامح عبد العزيز، ومن ناحية أخرى تنتظر ريهام عبد الغفور طرح مسلسل لها بجانب الفنان محمد فراج خلال الفترة المقبلة ومن المتوقع أن يحقق نجاحاً كبيراً فور طرحه عبر شاشات التلفزيون.