مصطفى أبو سريع ردا على عتاب علي الطيب: عبر بطريقة طفولية شوية

خرج الفنان مصطفى أبو سريع للرد على عتاب الفنان علي الطيب لصناع مسلسل عمر أفندي بسبب استخدامهم جملة دي حاجة 13 خالص ضمن أحداث المسلسل، وذلك بعدما حققت الجملة نجاحا كبيرا أثناء تجسيد علي الطيب لشخصية بساطي في مسلسل أهو ده اللي صار، مشيرا إلى أنهم لم يقصدوا تقليده على الاطلاق.

مصطفى أبو سريع عن علي الطيب: اكيد استفزه أنه اخدنا اللزمة بتاعته 

وقال مصطفى أبو سريع خلال لقاءه مع برنامج عرب ودد ورصده موقع تحيا مصر: علي جميل وطيب جدا وأكيد استفزه طبعا إن فيه لزمة كان عاملها، لكن الفنان دايما بيشتغل بمشاعره وهو عبر بطريقة فيها طفولة شوية هو صديق جدا ومن اعز صحابي وفيه فرق كبير أما حد ياخد لازمة حد هو ابتكرها أو اننا لما نعمل بحث عن المفردات في العصر ده بتلاقي من ضمنهم حاجة 13 فمكنش حك يقصد إطلاقا.

علي الطيب يعاتب صناع مسلسل عمر أفندي 

وكان قد ألقي علي الطيب اللوم على صناع مسلسل عمر أفندي بسبب استخدامهم جملة دي حاجة 13 خالص، حيث كتب في منشور عبر حسابه الرسمي بموقع التواصل الاجتماعي فيسبوك: حابب أبارك لكل زمايلي في عمر أفندي على نجاحهم بجملة وديع البساطي المشهورة دي حاجة ١٣ خالص، و استنوا على الجزء التاني لغاية ما افكرلكم في الجديد منه  عشان تعرفوا تقلدوه، تحياتي للي نجحوا ب مصطلحاتي، طول عمرها اللعبة ليها أصول و بنتعلم من بعض مش بنعلم على بعض.

علي الطيب يحذف منشور عتابه ويوضح السبب 

وبعدها بساعات قام علي الطيب بحذف منشور عتابه من موقع فيسبوك، وأوضح السبب قائلا: زمايلي زعلوني بأنهم مذكروش في أي برنامج او اي لقاء أنهم اقتبسوها من وديع البساطي في مسلسل أهو ده اللي صار مصطلح موجود في مصر زمان فعلا مش أنا اللي اخترعتها بس بيبقى كل ممثل بيبذل مجهود من أجل الشخصية تبقى لحم ودم مش كلام على ورق فقط وبيقول كلامه وخلاص.

رمز الجدعنة.. أحمد حاتم وآية سماحة يتحدثون عن موقف السقا معهم أثناء عرض مسلسل عمر أفندي

مخرج مسلسل عمر أفندي عن الجزء الثاني: لسة بندرس الموضوع ومفيش حاجة رسمي

وأضاف علي الطيب: ده كان جزء من مجهودي اللي تم أثناء تحضير الشخصية في المسلسل وبعد ما عرضت بعض المصطلحات على الأستاذ السيناريست عبد الرحيم كمال والأستاذ حاتم علي عليه رحمة الله اختارنا اللي يتناسب مع الشخصية التي تعبر عن شخصيته واتوظف في الحوار بشكل مناسب ومنطقي للمشاهد من الأستاذ عبد الرحيم واتعرض المسلسل وربنا كتب لنا القبول في قلوبكم ونجح المسلسل واتشهرت شخصية وديع البساطي بمصطلحاتها اللي تعتبر كانت جديدة على الجمهور رغم أن الجملة ليها أصل ومعنى ووضحناه في المسلسل.