مصطفى أبو سريع يكشف حقيقة انتاج جزء ثاني من مسلسل عمر أفندي "محدش هيحب يخسر نجاح الأول"

يتساءل العديد من الجمهور في الفترة الأخيرة عن حقيقة إنتاج جزء ثاني من مسلسل عمر أفندي والذي حقق نجاحات واسعة خلال فترة عرضه على شاشات التليفزيون ومنصة واتش ات الرقمية في الفترة الماضية، وهو ما خرج الفنان مصطفى أبو سريع في إحدى اللقاءات التليفزيونية وكشف عنه في الدقائق القليلة الماضية.

مصطفى أبو سريع يكشف حقيقة انتاج جزء ثاني من مسلسل عمر أفندي 

وقال مصطفى أبو سريع خلال لقاءه مع الإعلامية فاطمة مصطفى في برنامج الراديو بيضحك والذي تقدمه على راديو 9090، ورصده موقع تحيا مصر: الله أعلم واتمنى ده طبعا يحصل، والقرار لازم يبقى معتمد على ورق وفكرة لازم تبقى أقوى من الجزء الاول اللي عمل نجاح متوقعش إن حد هيحب يخسره فالواحد حريص أنه يقدم جزء ثاني أقوى بكتير وفي الاخر توقعات الناس مهمة يعني في ناس حبت النهاية وناس محبتهاش وأتمنى يكون فيه جزء تاني عشان الناس حابة ده والمسلسل قعد سنة بيتصور.

وتحدث مصطفى أبو سريع أيضا عن تعاونه مع الفنان أحمد حاتم في مسلسل عمر أفندي، قائلا: أحمد حاتم مريح جدا في التعامل نفسيا وإنسانيا وفيه تفاهم وكيمياء كبيرة جدا بينا، ومش أول مرة اشتغل معاه ومشاهدي مع أحمد بحس انها مريحة جدا وحقيقية مش تمثيل، والناس دلوقتي بتتكلم عليه انه زي الطرحة السودة بيليق على أي واحدة فأنا شايفة يليق على اي واحد بيمثل قدامه مش واحد بس.

مصطفى أبو سريع يكشف كواليس تصوير مسلسل عمر أفندي 

وتطرق بحديثه بالكشف عن العديد من الكواليس الخاصة بمشاهده في مسلسل عمر أفندي، فقال عن ارتداؤه ملابس امرأة في إحدى المشاهد: كنت خايف من المشهد ده جدا لأنها ممكن تتاخد في حتة استظراف أو استخفاف، لكن أما تبقى الشخصية حقيقية الناس بتصدقها وهو عمل كدة من عفويته وكنت خايف يطلع مني صوت راجل.

واستكلمل مصطفى أبو سريع حديثه عن مشهد مقابلته مع أحلام لأول مرة موعد غرامي: مشهد أغنية عمرو دياب "يا قمر لو فيه اتنين منك" كان اقتراحي وواخده من اللمبي، احنا اتناقشنا في الموضوع ده بيني وبين أحمد حاتم وقولتله أنه هيجي لعالمنا فلازم يجيلي حاجات عندهم انا مش عارفها واحنا مع عمرو في اي حاجة، عمرو دياب أي حاجة بنقولها احنا بنحبها.

مصطفى أبو سريع: أحلام في عمر أفندي من ترشيحي وكنت خايف ألبس ست

بعد طرح بوسترات مسلسل ديبو.. تعرف على قصته

مسلسل عمر أفندي 

وكان قد تم عرض مسلسل عمر أفندي في 15 حلقة وذلك على شاشة قنوات أون ومنصة واتش ات الرقمية، وحاز العمل على ردود فعل قوية من قبل الجمهور والنقاد وعدد من نجوم الفن ولكن استخدام جملة "دي حاجة 13 خالص"، أحدثت أزمة بين صناع العمل والفنان علي الطيب الذي خرج وتحدث على أنه له الفضل والمجهود في اكتشاف تلك الجملة وكان يجب أن يذكر صناع عمر أفندي هذا المجهود.