روجينا عن أزمتها مع طارق الشناوي: المشكلة بينه وبين أشرف زكي واللي عمله ده مش نقد

تحدثت الفنانة روجينا عن أزمتها مع الناقد الفني طارق الشناوي وذلك خلال لقاءها مع الإعلامية فاطمة مصطفى في برنامج الراديو بيضحك والمذاع على راديو  9090، مشيرة إلى أن كلامها لم يضايقها إطلاقا ولم تتحدث عنه أبدا.

روجينا تتحدث لأول مرة على أزمتها مع طارق الشناوي 

وقالت روجينا في تصريحات رصدها موقع تحيا مصر: كلام طارق الشناوي عني ولا ضايقني خالص ولا طلعت اتكلمت عليه خالص، أنا بحترم طارق الشناوي جدا وأي حد يقولي نقد، ولكن هو قال إنه ده 3 مسلسل بس ده كان رابع تجربة ليا و معنى كدة أنه هو متفرجش.

وتابعت روجينا في حديثها مع فاطمة مصطفى: والنقد ده ليه قواعد وهو اكيد اتعلمها في المعهد، انا استنيته يعيب في الشخصية أو طريقتي في أداءها أو إنها شخصية بعيدة عني، وكنت هحترمه بس هو قال رأي والرأي ده هو حر فيه بس أنا كمان مرة أن اخد الرأي ده ولا لا ومعنديش مشكلة خالص معاه المشكلة بينه وبين أشرف زكي ودي بيحسمها القضاء انا ماليش دعوة بيها خالص.

روجينا عن نجاح مسلسل سر إلهي: لكل مجتهد نصيب

وتطرقت روجينا بحديثها عن نجاح مسلسل سر إلهي رغم أنه يعاد للمرة الثانية على شاشات التليفزيون، لتقول: الحمد والشكر لله لكل مجتهد نصيب وده مش اجتهادي لواحدي ده اجتهاد كل الناس اللي اشتغلت في المسلسل ويمكن بعد رمضان الناس بتبقى فاضية ومستمتعة فبتتفرج براحتها.

وعن إمكانية التنازل عن المشاركة في الموسم الرمضاني من أجل عمل أوف سيزون، قالت روجينا: اتعودت على موسم رمضان ومن بداياتي وأنا لسة في المعهد كانت مشاركتي في مسلسل رمضاني فعندي إحساس إن رمضان ده حالة نجاح وكل الناس بتتفرج.

روجينا عن حرق وجهها: جالي احساس أنه مش هيرجع تاني ورأس مالي وشي

بنت عمري كل سنة وانا فخورة بيكي.. روجينا تحتفل بـ عيد ميلاد ابنتها مايا

روجينا عن حمزة نمرة: سعيدة أنه وافق يعملنا تتر مسلسل سر إلهي 

وعن غناء حمزة نمرة تتر مسلسل سر إلهي، قالت روجينا: سعيدة إن حمزة نمرة وافق يعملنا تتر مسلسل سر إلهي، وهو حالة خاصة جدا أما كلمناه عشان يعمل التتر قال عايز اقرأ الورق وكان عنده ملاحظات وطلب الأغنية متنزلش إلا قبل رمضان ب 3 أو أربع أيام.

يذكر، أنه يعرض النجمة روجينا في الفترة الحالية مسلسل سر إلهي وذلك على شاشة قنوات dmc وتشارك في بطولته إلى جانب النجوم أحمد مجدى، رنا رئيس، مى سليم، محمد ثروت، نهى عابدين، محمود الحدينى، صلاح عبد الله، وأحمد بدير، وميمي جمال، وأحمد سلامة، ومحسن منصور، و مي سليم، و رشا مهدي، ومراد مكرم، ومحمود حجازي، ومريم أشرف زكي، يوسف الأسدي.