تامر حسين يهاجم ملحن شهير: احترم سنك عشان محدش هيسكتلك تاني

هاجم الشاعر الغنائي تامر حسين ملحن شهير بعد أن صرح بأنه لا يملك زملاء في الوسط الفني، وذلك من خلال منشور عبر حسابه الشخصي على موقع التواصل الاجتماعي فيسبوك.

تامر حسين يهاجم ملحن شهير

وكتب تامر حسين في منشوره الذي يرصده موقع تحيا مصر: رداً على فيديو المُلحن سليط اللسان  قبيح القول أنا فعلاً غلطت لما قُلت على المُحترمين المُبدعين مدين أو عزيز الشافعي زمايلك  على أساس انك معانا ف الوسط وراجل كُنت ملحن كبير وعاقل وحذرتك تتهم حد ناجح ومكسر الدنيا بالباطل والإفتراءت الكدابه  اللى بتخترعها فى أى نجاح كبير يلتفت حواليه الناس و إنت  لا ترتقى إنسانياً تبقى زميل ل واحد فيهم شتان فرق الأخلاق ده انا اللى بعتذرلهمُ  على  التشبيه الغير موفق مني ظلمُتهم.

تامر حسين لـ ملحن شهير: معنديش فجر الخصومة زيك

وتابع تامر حسين: ثانياً لو جبت سيرتك بالخير ف أنا بعمل بأصلى فى أى لقاء وأى برنامج وبتربيتى وب أقول عيب عنده أولاد كُبار يتشرفوا ب باباهم ماتردش الإساءه ب الإساءه معنديش فُجر الخصومه ولا حابقىّ مُتقلب الود زيك مع كل اللى أحسنوا إليك وساعدوك عشان لما حد من الجمهور المحترم يشوفنى مايقولشى عليا قليل الأصل ونتساوىّ ف القُبح ودى أخر مرة حاغلط وأجيب سيرتك لانى ما بقيتش ب أتشرف بيها وب أتكسِف منها.

واضاف تامر حسين: الناس عارفة كويس وفاهمه مين فينا صادق ومين كداب بالمواقف والسنين والإحترام والتقدير والحمد لله أنى ربنا أنعم عليا وخلانى شخص سوي و ب أعقل كلامى وإحترم نفسي لا ف قلبى غل ولا حقد ولا  ب أعترض على اللى ربنا كاتبهُ ل زمايلي ببارك للجميع بقلب أبيض ماب أقللش من مجهودهم ونجاحهم دى أخر رسالة تتقالك ب إحترام ال جى حابقىّ عداني العيب إحترم سنك إحترم نفسك إحترم انك عندك أسرة مايصحش يبقى cv من بعد ما كان نجاحات يبقى خِناقات وسيرة سيئة لإن ماحدش حايسكُت لك تانى على أى تجاوز.

بعد فترة خلافات.. تفاصيل تصالح تامر حسين ومحمد يحيى

تامر حسين يتحدث عن شيرين عبد الوهاب: عندها قبول إلهي مش بتاع حد

وعلى صعيد آخر كان قد شارك الشاعر تامر حسين منشور عبر حسابه الرسمي على موقع التغريدات إكس “تويتر سابقًا”، وتحدث تامر حسين في منشوره عن المطربة شيرين عبد الوهاب مشيرًا إلى موهبتها المتميزة وإلى حبه لها والنجاح والقبول الذي تحظى به، وقال تامر حسين في منشوره الذي يرصده موقع تحيا مصر: “شيرين عبد الوهاب فى حتة تانيه دى مصروفلها كم محبة لصوتها ربانى صوت قريب للكوكب كله بعيداً عن أى ألقاب صوتها بيمس كل الطبقات واللهجات ومختلف الأعمار ده قبول إلهي مش بتاع حد اللى حصل في اغنيتين تلاته ماحصلش ف البومات ودعاية مُكثفه وده تأثير ماشفتهوش مع ناس كتير فى انتشار الأغانى ف الشارع عادى جداً كانهم نزلين رسمى.