طالعة بشخصية نكد النكد.. جيهان الشماشرجي تكشف عن دورها في مسلسل السراب

تنتظر الفنانة جيهان الشماشرجي عرض مسلسل جديد لها خلال الأيام القليلة المقبلة تحت عنوان السراب وتخوض بطولته رفقة الفنان خالد النبوي إلى جانب نخبة من نجوم الفن، وحرصت الفنانة على كشف تفاصيل دورها في العمل مشيرة إلى أنه بعيدا عن الفكاهة والرومانسية التي كانت تظهر عليها سابقا.

جيهان الشماشرجي في مسلسل السراب 

وقالت جيهان الشماشرجي خلال لقاءها مع الإعلامية فاطمة مصطفى على برنامج الراديو بيضحك والمذاع على راديو 9090: خلصت تصوير مسلسل السراب مع خالد النبوي ونجوم كتير جدا وهيتعرض الكام يوم الجايين وهيبقى حاجة مختلفة تماما، دوري فيه نكد النكد، أما لقتني عملت حاجات لذيذة قولت كفايا فرفشة بقى اخش بالتقيل، هو دور فيه مشاعر كتير شخصية مرت بظروف كتير جدا بحياتها خلتها تبقى في مكان كل الناس حاكمة عليها إنها مش تمام بس دي الحاجة الوحيدة اللي تقدر تعيش بيها.

وعن موعد عرض العمل، قالت جيهان الشماشرجي في تصريحات رصدها موقع تحيا مصر: المسلسل جميل جدا وإخراج الاستاذ أحمد خالد وهيتعرض في نص شهر 9.

جيهان الشماشرجي: قاعدة الستات ألذ من قاعدة الرجالة 

وتطرقت جيهان الشماشرجي بحديثها عن تفاعل السيدات مع بعض المشاهد لها، قائلة: الستات دول ألطف الكائنات فعلا وألذ بكتير من الرجالة، الرجالة قعدتهم مملة بيفضلوا يتكلموا عن الكورة أو في الحاجات المهمة أما الستات لذيذة ولو دفعولي مليون جنيه عشان اقعد مع رجالة هختار الستات بردو.

وتابعت: وبعدين بلاقيهم فاجأة بيسألوا عن حاجات غريبة، زي مثلا روتين شعرك اي يجماعة انا مش بعمل حاجة غير أني اغسلة واسرحه بس، كما تحسي الستات قريبين منك أوي كأنهم يعرفوكي، والحمدلله دي نعمة من ربنا.

جيهان الشماشرجي: ماما كلمتني بعد مشهد قتلي في سفاح الجيزة تعيط

جيهان الشماشرجي: كنت فاكرة أن الناس هتكرهني لقتهم بيدافعوا عني 

وتحدثت جيهان الشماشرجي أيضا عن تفاصيل دورها في مسلسل سفاح الجيزة، قائلة: أعرف أحمد فهمي من 15 سنة واول مرة نشتغل مع بعض قعدنا نتكلم نحضر مع هادي الباجوري ووأنا بحضر للشخصية مكنش ينفع أحكم عليها أنا بتعاطف معاها وبديلها مبرراتها، وأنا بصور كنت عارفة أن انا والشخصية الي بعملها هتتكره و ممكن اتشتم واستغربت أن الناس كانت زعلانة انها اتقتلت 

وتابعت جيهان الشماشرجي حديثها: ماماتي كلمتني تاني يوم منهارة تقولي انتي كويسة ياحبيبتي المشهد طلع على الكاميرا متصدق وعيدنا المشهد كتير ومستعدة اعمل الدور تاني لو السيناريو والإخراج كويس ولو الدور حلو.