أوس أوس: إيمي وسمير غانم مفيش بينهم اختلاف ومبحبش اعمل دور أهلي يتكسفوا يشوفوه

حل الفنان أوس أوس ضيف في لقاء خاص مع الإعلامية هبة الاباصيري على قناة CBC وذلك على هامش مهرجان العلمين الجديدة، والذي كشف خلاله العديد من التصريحات الهامة من بينهم وقوفه على المسرح في مدينة العلمين الجديدة وسط الجمهور المصري والعربي.

أوس أوس: أنا وأهلي بعد ما شوفنا العلمين قررنا منرجعش القاهرة 

وقال أوس أوس في تصريحات رصدها موقع تحيا مصر: اتبسطنا جدا بوجودنا في العلمين حسين أنه في حياة جديدة هنا وكل الخدمات موجودة والفيو اتغير والناس فرحانة من قلبها وقرت أنا وأهلي أننا مش هنرجع القاهرة تاني.

وعن عرضه لأول مرة مسرحية ضمن مهرجان العلمين، قال أوس أوس: انا من الناس اللي اتفاجأت من تواجد الجمهور هنا، أنا مش لاقي اماكن للناس وفيه كان واقف برة غير تفاعلهم معانا ووجود جمهور من كل الدول العربية مش مصر بس ومش هتبقى اخر مرة.

أوس أوس: حستني وأنا واقف قدام إيمي إني شايف سدير غانم الله يرحمه 

وتطرق بحديثه عن مسرحية التليفزيون، قائلا: مسرحية التليفزيون استمتعت بكواليسها جدا وده أول مرة اتعاون مع إيمي وحسن الرداد واول ما وقفنا على المسرح كأني شغال معاهم من سنين وسمير غانم كان أكبر داعم لينا وكان بيحب طريقة ضحكنا حتى قبل ما نتشهر وأما استقبلت  ايمي حسيت اني بقابل سمير غانم الله يرحمه، مفيش بينهم اختلاف.

وعن ايمي سمير غانم وحسن الرداد في كواليس التصوير، قال أوس أوس: حسن الرداد زوج مثالي لو قولتله انا زهقت مش عايزة اعمل بروفة يقولها براحتك يا حبيبتي روحي، ولو معجبة بتسلم عل حسن ايمي اللي بتسلم عليها.

خالد الصاوي يشيد بأداء أوس أوس.. والأخير يرد: بحبك يا عالمي

أوس أوس: مبحبش الأدوار اللي أهلي ممكن يتكسفوا يشفوها

وعن معايير اختيار أدواره، قال أوس أوس: بحب الأدوار اللي قريبة من الناس ومبحبش اعمل حاجة الاقي ناس بتتكسف منها، أو اهلي يشوفها يبقوا خجلانين، طول الوقت الممثل بيحب أنه يسعد اللي حواليه، وأكيد بالشكل ده مش هيجيلي أدوار إغراء.

وكانت آخر أعمال أوس أوس مشاركته في فيلم عصابة الماكس الى جانب الفنان أحمد فهمي والفنانة لبلبة وعدد من نجوم الفن الآخرين وتم عرضه في السينمات المصرية ضمن افلام عيد الاضحى 2024، وحقق نحاجات كبيرة في فترة عرضه.