النائب محمد الحسيني بندوة تحيا مصر: أطالب بتحويل أرض كلية الزراعة جامعة القاهرة لمدينة بولاق الدكرور الجديدة ..وعمل نادي اجتماعي بأرض التضامن

قال النائب محمد الحسيني وكيل لجنة الإدارة المحلية بمجلس النواب:"مينفعش أعمل طلب إحاطة علشان مدسة ومفيش أرض.. فعملنا حصر لأراضي الإصلاح الزراعي الموجودة، وعملنا طلب إحاطة لوزير الزراعة الأسبق وقالي ملكش ولا متر.. وطلعت الورق إننا لينا 27 ألف فدان".

النائب محمد الحسيني: أطالب بتحويل أرض كلية الزراعة جامعة القاهرة لمدينة بولاق الدكرور الجديدة 

وأضاف الحسيني، في ندوة تحيا مصر: العصابة المفترية كانت عبارةعن  6 فدادين إصلاح زراعية واضع يدهم عليها.. وعملنا طلب إحاطة وبعدها فوجئنا إن الوزير طارحها لمزاد.. لكن اتلغى المزاد وأخذنا موافقة وزير الداخلية اللواء محمود توفيق، وعملنا أكبر مجمع شرطي في مصر وعملنا قسم شرطة ثان لبولاق الدكرور فيه كل الخدمات و2000 متر للتأمينات والمعاشات ومدرسة دولية حكومية 7200 متر، ووحدة محلية جديدة 2000 متر ومكتب بريد 2000 متر، يتبقى 2500 متر، بعمل تواصل مع وزير العدل لعمل محكمة أو ممكن نضيف مدرسة جديدة هناك.

وتابع وكيل لجنة الإدارة المحلية بمجلس النواب: لما الحكومة ساعدتني ووقفت معايا ولغوا المزاد، هيتم عليها خدمات جليلة وخلال 4 شهور هتنور بالخدمات والمشروعات.. هذه الاستجابة لنائب شعبي يعطيني أمل أن هناك قيادات واعية وعلى مدار 9 سنين خدنا مكاسب عديدة وهناخد تاني.

واستكمل: الآن شوفنا نفحة إيجابية في ظل ظروف صعبة، وقارني بأيحي في مصر، لو في أي حد خد الخدمات دي، معقبا:"طلبت من محافظ الجيزة السابق، وقولتله عايزين نعمل "بولاق الدكرور الجديدة" فابتسم.. قولتله: أرض كلية الزراعة جامعة القاهرة 200 فدان مش مستفيد بيها حاجه.. ناخدهاو نعملها مدينة.. وده أمل وطموح وبولاق الدكرور محتاجه تتنقل نقلة زي مدن جديد لوضع العنصر البشري في بيئة محترمة.. لذلك من خلال تحيا مصر أنادي بإعادة النظر في الأرض.. كمان بناشد وزير التضامن د. مايا مرسي: عندي 12 فدان خاصة بدور التربية "الأحداث" عليها ملاعب .. في المقابل عايزين في حي بولاق الدكرور نادي اجتماعي وأول نادي شعبي يحمل اسم رئيس الجمهوري كهدية.. احنا بنعمل على القهاوي وبنعتبرها مركز شباب.. وراضيين علشان ظروف الدولة.. لكن عايزنها تبقا على الخريطة صح".

بولاق الدكرور بتفرح .. الافتتاح الرسمى لأول فرع مكتب توثيق شهر عقاري بجهود نائب مستقبل وطن محمد الحسينى ... فيديو وصور

النائب محمد الحسيني: دعم واستقرار الدولة المصرية مسؤولية الجميع

وأردف الحسيني: أرض جامعة القاهرة دي كانت الملكة فاطمة عملها وقف لجامعة القاهرة، وتم بناء مدينة المبعوثين عليها ثم مباني مدينة العميين جامعةالقاهرة.. طب ليه حاصرلي بولاق الدكرور.. يطلع حد يوقلي الخضرة ومش الخضرة؟.. احنا قاعدين في شوارع 2 متر.. وعايزين مدينة برؤية وإحلال وبعدها نعمل إحلال وتجديد للمكان اللي فيه واللي مش هنسيبه.. ومن حقنا نعيش حياة كريمة.. وآخد خدمات صحية تعليمية رياضية ترفيهية.. أنا في منطق استراتيجية لو تم إعادة النظر فيها يعود بالنفع على الدولة كلها.