شيرين عبد الوهاب ترفض التصالح مع روتانا: بناشد بلدي تحميني أنا مطربة كبيرة

أعلنت الفنانة شيرين عبد الوهاب رفض تصالحها مع شركة روتانا بعد إعلان الأخيرة استعدادها لذلك، مشيرا إلى أن سنوات ضاعت منها بسبب تلك الشركة وأصبح أمر المال غير مهم بالنسبة لها ومستعدة للسجن، وذلك خلال مداخلة هاتفية مع الإعلامي عمرو أديب في برنامج الحكاية والمذاع على قناة mbc مصر.

شيرين عبد الوهاب ترفض التصالح مع روتانا 

وقالت شيرين عبد الوهاب في تصريحات رصدها موقع تحيا مصر: اسفة انا ضاع من عمري كتير اوي.. ونجاحي الناس هي اللي عملته وبهديهم الاغاني بتاعتي ببلاش، لأنهم يستحقوا ده،  انا فل شمعة منورة وكتر خير الجمهور على حبهم ليا.. وأنا مش محتاجة شركات أنا ماضية مع شركة ربنا.

وأضافت شيرين عبد الوهاب: سكن النسا وحشني جدا ونفسي اجربه ومستعدة ليه ليرد عليه عمرو أديب: هو انتي ناقصة يابنتي انتي ممكن تبقى ملكة وتعملي فلوس قد كدة.

شيرين عبد الوهاب: بناشد بلدي أنها تقف جنبي 

ووجهت شيرين عبد الوهاب رسالة لمسؤولي مصر، قالت فيها:  بناشد بلدي إني مطربة كبيرة جدا عايزاها تحميني من الكلام اللي بيحصل دلوقتي أنا كنت ساكتة الاول لكن أنا قرش وعندي سنان حامية جدا وبتطلع وقت اللزوم، ومهما عملوا وحذفوا الأغنياتوهنزلها على البوتجاز.

وتابعت: مش عارفة ازاي ياخدوا مني 8 مليون جنيه والمحامي بتاعي معرفش شغال اي بالظبط.. بس أنا فلوسي كتيرة، أنا قلبي وجعني من يومين من كتر النجاح اللي انا محققاه وأنا ربنا كرمني اوي اوي.

فريدة سيف النصر لـ شيرين عبد الوهاب: بالله عليكي يا شيخة غني وبس

شيرين عبد الوهاب تكشف تفاصيل أزمتها مع روتانا 

وكشفت شيرين عبد الوهاب تفاصيل أزمتها مع روتانا، قائلة:  انا تعاقدت مع شركة روتانا ومع احترامي للشخص الي معندوش شعر اللي اتكلم قال بعد ما خدنا ونضفنا ولمعنا هي وخداني نجمة الوطن العربي، شيرين عبد الوهاب لو متعملهاش دعاية توازي حجمها دوليا وعالميا يعتبر العقد منتهي، سلمتهم أغنية كلها غيرانة نجحت جدا ومتعملهاش دعاية بنص جنيه، اتعلمت اسكت عشان شيرين بتاعة مشاكل.. انتو مستنين الأغنية الرابعة عشان تسألوا عن التنازلات! 

وتابعت: كان معايا شخص سلم أغنية ليا لشركة انغامي ومشيته عشان أنا شغالة مع روتانا.. كلمت مدير روتانا في مصر وقولتله تعبت انذار للشركة ووقف الأغنية وقضيهم وخد منهم تعويض لكن بعتولي أنا واخدوا مني 2 مليون جنيه رغم أنه مفيش ورقة يبين اني موافقة، وهما عايزين مني الحفلات بتاعتي الايف.