حمزة نمرة: زوجتي هي المستشار الأول في حياتي ووالدي كان محب الفن

حل الفنان حمزة نمرة ضيف في إحدى الحلقات الخاصة المذاعة على قناة الحياة على هامش مهرجان العلمين الجديدة، والذي تحدث من خلاله عن دور زوجته في حياته الشخصية وكشف تفاصيل خاصة في حياة والده.

حمزة نمرة: زوجتي هي المستشار الأول في حياتي  

وقال حمزة نمرة في تصريحات رصدها موقع تحيا مصر: زوجتي هي المستشار الأول، وباخد رأيها جدًا في الأغاني، وبعتبرها جمهوري الأول، وغنيت لزوجتي أغنية غروب وأغنية الوقعة الأخيرة، بس مابنقولش على النت لأن الموضوع محرج لينا شوية.

حمزة نمرة: والدي كان محب للفن وكان بيحضرلي كل الحفلات 

وتطرق حمزة نمرة بحديثه عن والده، قائلا: والدي كان فنان جدا ومحب للفن، كان بيغني وبيمثل وبيرسم ونفسه يبقى فنان وكان دمه خفيف جدًا بقول عليه سمير غانم مع الفارق، وجاب مجموع يدخله طب، وأهله ضغطوا عليه علشان يدخل طب وبعدين يدخل الفن اللي عاوزه لكنه أجل الفن لحد آخر عمره.

وأضاف: كان بيشوف نفسه فيا وكنت مبسوط أنه مهتم بالفن اللي بقدمه وبيحضر لي كل الحفلات وكنت بحس إني الأمل اللي معرفش يحققه، ولحد آخر عمره كان بينشر الأغاني والرسومات بتاعتي على الرغم أنه عمره ما شارك نجاحاته الطبية، وظل حلمه اللي بدأ به هو أقيم حاجة عملها في حياته، وظل حلمه اللي بدأ به هو أقيم حاجة عملها في حياته.

حمزة نمرة يكشف سبب حبه للنجارة 

وكشف حمزة نمرة جانب من حياته الشخصية وهي حبه للنجارة، قائلا: بحب فكرة الشغل اليدوي وإنك تعمل حاجة من خام وتحولها لحاجة تانية وبحس فيها الفكرة الفنية، لأنك بتحول أغنية عبارة عن أصوات وخامات لأغنية بشكل مختلف، والصنعة دي حلوة وبلاقي الكلام ده بيحصل في النجارة وتصليح العربيات، ونفسي لو فيه تعليم أسبوع أو اتنين أو شهر أروح الورشة دي اتعلم فيها ويكون عندي ورشة بتاعتي وأعمل منها كراسي.

حمزة نمرة: أمي ماتت وهي بتولد.. وتوقعت وفاتها من قبل ما تموت

وأكد حمزة نمرة في تصريحاته: حريص جدًا في مشواري الفني أني أقدم أغاني تسيب علامة وأثر ويحترمها الجمهور وشاركت في بدايتي بفرقة الحب والسلام، وكان ليها تأثير كبير جدا في شخصيتي واختياراتي الفنية، واتعلمت منهم الجرأة وأن أقدم أفكار جديدة في الأغاني.