محمود سعد: لو كتبتوا خناقات الطوارئ هتلاقوا كتير زي محمد فؤاد

حرص الفنان محمود سعد  على التعليق على واقعة الفنان محمد فؤاد، والتي تصدرت التريند في الساعات القليلة الماضية، حيث قام بتعديه على إحد الأطباء في احد مستشفيات عين شمس التخصصي.

محمود سعد يعلق على واقعة محمد فؤاد 

وقال محمود سعد في فيديو رصده موقع تحيا مصر عبر حسابه الرسمي بموقع التواصل الاجتماعي فيسبوك: واقعة محمد فؤاد أنا ممكن أفتي فيها للصبح وأدين أطراف، ولكن الشعب المصري عنده احتكاك حقيقي بالطوارئ في معظم المستشفيات، بصرف النظر عن مين المدان وأنا معرفش إيه اللي حصل، وأنا ممكن أفتي وأدين محمد فؤاد وأُناصر الأطباء، ولكن محدش يعرف اللي حصل بالظبط، واحد داخل بـ أخوه عنده جلطة ومتوتر وحصلت المشكلة، ولكن لازم ناخد المواقف البارزة ونعالج بيها المشاكل اللي موجودة.

محمود سعد: في مشاكل في الطواريء مهولة 

وأضاف محمود سعد: في مشاكل في الطوارئ مهولة ولا أدين أحد إطلاقًا، إنما مستشفيات اللي فيها طوارئ وخاصة منيرة والقصر العيني وغيرهم، فيها مشاكل كتير، والطوارئ عايزة نظرة كبيرة أنها تبقى منظمة لأن الدكاترة بيتبهدلوا هما والممرضين، دي مسألة عايزة نظرة حقيقية، الطوارئ دي للحالات الحرجة والخطر، لا بد أن يكون فيها إمكانيات طبية وإسعافات حقيقية، ودخول وخروج كريم للمريض واحترام للدكتور والممرضين.

واستكمل: في مشكلة كبيرة جدًا في منتهى الحساسية، لأن غالبًا المريض بيروح وهو عنده أزمة، محدش بيروح الطوارئ يقص أظافره، وليه أهالي المريض بتوصل لأوضة الكشف؟ المفروض يسيبوا المريض في الطوارئ وميقفوش على رأس الدكتور.

محمود سعد يعلن تنفيذ وصية الراحل أحمد زكي له ..تعرف عليها

محمود سعد: لو كتبتوا خناقات الطوارئ هتلاقوا كتير زي خناقات محمد فؤاد

وواصل محمود سعد: أنا مش عارف الحل إيه، ولكن في متخصصين يقولوا يتعمل إيه، وده بصرف النظر عن قضية محمد فؤاد والدكتور، ولكن المشكلة قائمة، ومشكلة محمد فؤاد دي هتخلص على ولا حاجة، والناس برا مصر لما حد يقولهم مينفعش يدخلوا الطوارئ مع المريض بيسكتوا، لكن هنا بيبقوا عايزين يكسروا الباب ويدخلوا، الدكتور لما تشغله في عز زحمة في دوشة وهو معندهوش إمكانيات ولا معدات دي حاجة مش معقولة.

واختتم محمود سعد: لو كتبتوا خناقات الطوارئ هتلاقوا كتير زي خناقات محمد فؤاد كل يوم، ولكن اللي اتخانق معاهم مش محمد فؤاد.