مروان بابلو: كنت مهمل في الدين فترة.. وأهلي مكانوش ضد شغلي في الموسيقى

أكد مطرب الراب مروان بابلو على أنه كان مهملا في الدين خلال فترة من حياته، وذلك من خلال لقاء له ببرنامج AB talks مع الإعلامي أنس بوخش.

علاقة مروان بابلو بالدين

وقال مروان بابلو في تصريحاته التي يرصدها موقع تحيا مصر: كنت مهمل في الدين من سن 15 لـ 20 سنة، العامل الديني كنت مهمله.. هو كان موجود وكنت فاكر أني صح فيه بس اكتشفت أن أنا مكنتش صح، ورجعت أدور في الدين.

وتابع عن فترة انتقاله من العمل في كارفور إلى الموسيقى: الموسيقى موجودة من قبل كارفور في حياتي، ولكن المرحلة الانتقالية كانت وأنا عندي 18 سنة، كان فيه قصة حب فاشلة، كان فيه تعب والدي، وأهلي مكانوش ضد شغلي في الموسيقى بس مش مع، وكان صعب يتقبلوها.

تصريحات مروان بابلو عن طفولته

وفي اللقاء ذاته، تحدثت مطرب الراب مروان بابلو عن تفاصيل ملامح طفولته، وقال مروان بابلو في تصريحاته التي يرصدها موقع تحيا مصر: طفولتي كان فيها وحدة، استكشاف، مسئولية بعض الشيء، وحدة لأني ولد وحيد، وكنت دائما بحب أجرب حاجات جديدة وعندي دايما حب استطلاع غريب، ومسئولية لأني شاركت في تربية أخواتي، مدرستي كانت خاصة وأنا جاي من منطقة شعبية وكان الميكس بينهم صعب، بيتي كان مستقر ماديا بس كان فيه الوعكات بتاعت أي بيت طبيعي وكنت بتأخر في دفع مصاريف المدرسة، وعلاقتي بأبويا وأمي كانت علاقة طبيعية، والدي نص اليوم بيكون في الشغل، وأمي بترعانا وبتربينا.

وتابع عن أكثر موقف مجرح تعرض له: كان في جائزة رايح اخدها، كنت أحسن واحد بيرسم في المدرسة، وكان في مدرس عارف أني مش بدفع المصاريف باستمرار، وأول ما شافني قالي ايه اللي جابك هنا اطلع برا ودا أذاني نفسيا.

مروان بابلو: مريت بوعكات مادية في طفولتي.. وعلاقتي بأبويا وأمي كانت طبيعية

تامر فرج: كنت حاسس ملك الموت مرفرفر علينا وخوفت أعمل العملية

أخر أعمال مروان بابلو

ومن الجدير بالذكر أن أخر أعمال مروان بابلو أغنية ديجافو، والتي تقول كلماتها:

هنروح على فين؟
هنروح على فين؟
هنروح على فين؟
رايحين على فين؟
رايحين على فين؟
رايحين على فين؟
‫ما شُفتش الـ Love، قلبي ع الرصيف
‫بتيجي الـ Señorita بتاخد إللي فيه النصيب
بتبصلي في إيديا تقولي ليه مش بتباصي
بديها إللي عايزاه ما أنا واحد فهمه كان بطيء