بدرية طلبة: كان في واحدة عايزة تخطف جوزي.. وروحت أمثل عليها البلطجة عشان أخوفها مني

كشفت الفنانة بدرية طلبة عن موقف وقع بينها وبين زوجها بسبب سيدة أخرى، وذلك من خلال لقاء لها ببرنامج حد النجوم مع الإعلامية شريهان أبو الحسن المذاع عبر شاشة تلفزيون قناة أون ضمن فعاليات مهرجان العلمين الجديدة.

بدرية طلبة: كان في واحدة عايزة تخطف جوزي وروحتلها بنفسي

وقالت بدرية طلبة في تصريحاتها التي يرصدها موقع تحيا مصر: كان في واحدة عاوزة تخطف زوجي وروحتلها وقُلت لها لا، هىّ كانت عاوزاه يقعد في الإمارات علشان يعمل لها حاجة لمصلحتها، قولتلها لا أنزليلي، أخدت التليفون لاقيت كلام أخدت الرقم وكلمتها قولتلها أجيلك وأقعد معاكي، وفعلا روحتلها، قولت لها إنتي فاهمة غلط أنا لو مش موهبة مش هنجح.

وتابعت بدرية طلبة: أي ست بتحس وجوزي كان رايح جاي على الإمارات فحسيت إن فيه حاجة وشكيت في الموضوع وربنا وقع التليفون في إيدي وكلمتها وروحت أمثل عليها البلطجة وكنت عاوزة أخوفها مني.

تصريحات بدرية طلبة عن مهرجان العلمين

وفي اللقاء ذاته، أعربت الفنانة بدرية طلبة عن سعادتها بما يحدث في مدينة العلمين الجديدة من فعاليات وتطوير، وقالت: أنا فرحانة باللي بيحصل وواضح أن الشغل بيتعمل في وقت قياسي يعني احنا في تارجيت قدامنا عايزين نحققه أن احنا يبقى عندنا مكان للسياحة واحنا السياحة في بلدنا مفيش عليها أي غبار بس نصنفر الأماكن ونسلط الضوء عليها ونجملها لأن بلدنا حلوة تستاهل كل حاجة حلوة وتستاهل أن يجيلها الناس من جميع أنحاء العالم فعلشان يجوا يشوفوا الإنجاز دا أنا فخورة ببلدي بجد ومبسوطة أني جزء ولو بسيط منه من خلال مسرحية التلفزيون مع حسن الرداد وإيمي سمير غانم وسليمان عيد.

بدرية طلبة: بقدم شخصية بنت لعوب في مسرحية التلفزيون.. وفرحانة باللي بيحصل فى العلمين

بدرية طلبة تنفعل على معجبة بسبب الحسد: قلوبكم سودة اتمنوا الخير لغيركم هينوبكم منه

أخر أعمال بدرية طلبة في الدراما

ومن الجدير بالذكر أن أخر أعمال بدرية طلبة في الدراما مسلسل أسيل، وكانت تدور أحداثه حول مواقع التواصل الاجتماعي، ومشاهير هذه المواقع، من خلال قصة المؤثرة الاجتماعية آسيل، التي تقع في العديد من المشاكل لتأثير السوشيال ميديا على حياتها، فتضطر للسفر إلى قريتها واعتزال حياة الشهرة، وهناك تتعرف على كريم، الذي يساعدها في تخطي كل هذه العقبات.

وشارك في بطولة المسلسل عدد كبير من النجوم والنجمات، منها: ثراء جبيل، باسل الزارو، إلهام عبد البديع، بدرية طلبة، سلوى محمد علي، وغيرهم، والمسلسل من تأليف محمد جلال، وإخراج معتز حسام.