مريم الجندي: مكنتش بقول أني بنت محمود الجندي لأني خوفت أفشل وأبوظ اسمه.. وهو اللي اكتشفني

كشفت الفنانة مريم الجندي عن السبب وراء عدم افصاحها عن صلة القرابة بينها وبين الفنان الراحل محمود الجندي، وذلك من خلال لقاء لها عبر شاشة تلفزيون قناة أون من مهرجان العلمين الجديدة مع الإعلامية شريهان أبو الحسن.

تصريحات مريم الجندي مع شريهان أبو الحسن

وقالت مريم الجندي في تصريحاتها التي يرصدها موقع تحيا مصر: كنت عايزة اعرف الجمهور هيتقبلني ولا لا ما أنا ممكن أبقى دارسة جدا وشاطرة في الدراسة وميبقاش ليا قبول مع الجمهور وممكن ميحبونيش ويبقى دمي تقيل، ومكنتش عايزة دا يتربط بوالدي بأي شكل من الأشكال، لو أنا طلعت فاشلة مش عايزة دا يأثر على اسمه هو، وعايزة اثبت نفسي، أني تعبت واشتغلت زيي زي كل الناس ومكنتش عايزة استسهل ولو كنت قولت أني مريم محمود الجندي الطريق كان هيبقى أسهل في حاجات، ولما الناس عرفت أني بنته دا وترني جدا بس اتبسطت لما الاقي حد بيدعيله على حاجة أنا منزلاها.

مريم الجندي: والدي هو اللي اكتشفني

وتابعت مريم الجندي حديثها عن والدها وقالت: من طفولتي والدي كان شايف فيا حاجة بس كان عايز يتأكد، وهو اللي قالي تعالي جربي لأني طول الوقت كنت بديله احساس أني بحب الموضوع أوي وأنا كنت على طول معاه في أي كواليس وفي أي مسرح وكنت فاهمة أوي يعني ايه لوكيشن.

بالصور.. مريم الجندي في سهرة خاصة مع شريهان أبو الحسن

أخر أعمال مريم الجندي

ومن الجدير بالذكر أن أخر أعمال مريم الجندي مسلسل العتاولة الذي تم عرضه عبر شاشات التلفزيون المختلفة في الموسم الرمضاني الماضي، وكانت تدور أحداثه في إطار من التشويق والإثارة، يتبع العمل قصة الشقيقان (خضر) و(نصار)، واللذان يعملا في مجال النصب والجريمة، مما يضعهما في العديد من العقبات والمخاطر.

وشارك في بطولة مسلسل العتاولة عدد كبير من النجوم والنجمات، منهم: أحمد السقا، طارق لطفي، باسم سمرة، زينة، مي كساب، هدى الاتربي، فريدة سيف النصر، وغيرهم، والمسلسل من تأليف هشام هلال، وإخراج أحمد خالد موسى.