في أول تصريح لها بعد القبض عليه.. زوجة عصام صاصا: احنا اتحسدنا

قالت جهاد زوجة مطرب المهرجانات عصام صاصا، انها وزوجها يعانوا بشكل كبير خلال هذه المرحلة خاصة بعد القبض عليه بتهمة تزوير أوراق رسمية .

وقالت جهاد زوجة مطرب المهرجانات عصام صاصا، خلال تصريح خاص لموقع تحيا مصر أن حياتهم انقلبت رأس على عقب فجأة منذ واقعة دهس زوجها لأحد المارة على الطريق الدائري.

وأضافت جهاد زوجة مطرب المهرجانات عصام صاصا انا مؤمنة بقدر الله والحمد لله على كل ابتلاء احنا اتحسدنا وان شاء الله كل حاجة تتحل .

ضبط مطرب المهرجانات عصام صاصا 

وتمكنت الأجهزة الأمنية من ضبط مطرب المهرجانات عصام صاصا فور وصوله إلى البلاد، قادما من الإمارات على طائرة ومن المنتظر أن يتم عرضه في مأمورية أمنية غدا أمام محكمة الجنايات المختصة في زينهم لمحاكمته.

وظهر مطرب المهرجانات عصام صاصا في مقطع فيديو أخير له عبر صفحته على الفيسبوك كشف فيه تفاصيل الحادث الذي وقع على الطريق الدائري وأنه سيعود للبلاد طالبا من متابعيه الدعوات له، وأنه راضي بقضاء الله وفي القضاء المصري.

بعد التنسيق مع الإنتربول.. إجراء عاجل ضد عصام صاصا بعد تسلمه في المطار

أقوال محمود الليثي في قضية عصام صاصا

وقال محمود الليثي خلال أقواله التي أدلى بها في تحقيقات قضية تزوير توكيل عصام صاصا، اللي حصل في حادث عصام أني كنت لسه مخلص حفلة واتصل بيا حد في المجال وقالي ألحق عصام صاصا عامل حادثة وخبط واحد وجريت عليه على الدائري، ولما وصلت لقيت الراجل متوفي وعصام واقف وعربية الشرطة واقفة وعصام كان منهار وبيقول حق الراجل في رقبتي ليوم الدين.

واستكمل محمود الليثي خلال أقواله، عصام صاصا قالي حق الراجل وعياله في رقبتي ومرديش يمشي وشيلنا المتوفي في الإسعاف وروحنا قسم الطالبية ولما روحنا عصام اتعرض على النيابة وخد إخلاء سبيل من القسم وكان عنده حفلة في دبي في الإمارات يوم 9 مايو وسافر بعد ما خرج من القسم عشان الحفلة دي.

محمود الليثي يكشف تفاصيل حادث صاصا

وأضاف محمود الليثي في أقواله، بعدها بيومين معاذ مدير أعمال عصام صاصا كلمني وقالي أنه في محامي اسمه محمد حمودة وعايزين نعرف اتعابه كام عشان عصام، وروحت لمكتب محمد حمودة فعلا وقعدت معايا أنا وصاحبي سيد واتفقنا على الأتعاب حوالي 2 مليون جنيه وبعدها مشيت وكلمت معاذ وقولت له خلاص الأمور تمام.

واختتم محمود الليثي في تحقيقات قضية عصام صاصا، عصام صاحبي من 2023 اتعرفت عليه في فيلم وهو واد جدع وغلبان، وقعدنا في مكتب المحامي ربع ساعة عشان نتفق على الأتعاب وبعدها مشيت ومعرفش هو المحامي اللي عصام عمل له التوكيل من برا ولا لا، ومكنش معايا اي مستندات وأنا رايح، ولا أعرف حاجة عن التوكيل المزور بتاع عصام، وكل القصة أني كنت وسيط بس.