مروجة لحدث قريبا.. أحدث ظهور للفنانة شيرين عبد الوهاب بعد أزمتها مع حسام حبيب

شاركت الفنانة شيرين عبد الوهاب منذ قليل صورة لها عبر حسابها الجديد بموقع التدوينات القصيرة اكس او تويتر سابقا، وذلك من احدث ظهور لها بعد أزمتها الأخيرة مع حسام حبيب.

أحدث ظهور للفنانة شيرين عبد الوهاب بعد أزمتها حسام حبيب 

وظهرت شيرين عبد الوهاب في صورة رصدها موقع تحيا مصر عبر موقع اكس، مرتدية توب كروب ابيض وجاكت جينز قامت بتنزيل كتفه مع وضع بعض لمسات المكياج الهادئة ومنكير باللون الاحمر وبملامح جميل للغاية وكأنها عادت إلى عمر للشباب من جديد.

وعلقت شيرين عبد الوهاب على الصورة، كاتبة: "قريبا" وكأنها تروج لعمل فني معين أو شيء ستخرجه للجمهور خلال الأيام القليلة المقبلة.

أزمة شيرين عبد الوهاب وحسام حبيب 

وكانت شيرين عبد الوهاب قد مرت بأزمة جديدة وصراعات جديدة مع طليقها حسام حبيب عندما خرجت إلى الجمهور وقالت في تصريحات صحفية: حسام حبيب بيهددني وبيتبلى عليا، أنا مش صغيرة وست عندي بنتين في أخطر مرحلة في حياتهم، بناشد المسئولين، الراجل ده ضيعني وبيهددني ببناتي وبيقول لي كلام يدخله السجن.

وأشارت إلى أن حسام حبيب كان مسؤولاً عن جميع ممتلكاتها المادية واخذ منها ما يقرب من 200 ألف دولارا بحجة أنه ساندها في بعض الاشياء الخاصة بالعمل، مؤكدة: حسام واخد مني عربية رانج روفر موديل 2008، وساعتين رولكس Rolex، وبقاله حوالي 4 سنين هو المسؤول عن الأمور المادية في شغلي.

رد حسام حبيب على اتهامات شيرين عبد الوهاب 

وقال حسام حبيب في تصريحات لبرنامج et بالعربي: أنا خجلان من اللي بيحصل ومش عارف أقول إيه للناس طبعا الناس عندها حق تزهق والله ده ما أنا ولا دي شيرين التصرفات دي بريء منها تماما أنا مستغرب اللي بيحصل أكتر منكم ممكن يكون دا حصل عشان خاطر هي بتحاول تتصل بيا بقالها يومين تلاتة وأنا رفضت أرد عليها تماما وقولت المرة دي مش هينفع أسامح زي كل مرة.

تطاول وحبس واستغاثات.. شيرين عبد الوهاب وحسام حبيب نموذج للعلاقات السامة

جلسة صلح فى الطريق.. خناقة شيرين عبد الوهاب وحسام حبيب

وتابع حسام حبيب: كل اتهامات شيرين كاذبة يحاسب عليها القانون، الورقة اللي شيرين بتقول بيها إنها حولت ليا مبلغ مالي، مكتوب فيه غرض التحويل لزوج، فأول حاجة كدا هو أنا زوجها، ثانيا حتى لو كنت الزوج وهي بتدلعني بالمبلغ دا إزاي تخرج تقول أني عايز أموتها، يا هي بتكدب لما قالت إننا اطلقنا يا هي بتكدب على البنك وقالت إني زوجها وحولتلي ياما بتدلعني بقى.