عيل غلبان وأنا وسيط.. أقوال محمود الليثي بقضية تزوير توكيل عصام صاصا

الثلاثاء 06/أغسطس/2024 - 08:00 م حوادث

قسم الحوادث

تفاصيل مثيرة شهدتها التحقيقات في قضية تزوير توكيل عصام صاصا، حيث أدلى المطرب محمود الليثي بأقواله خلال التحقيقات في القضية ويرصد موقع تحيا مصر كواليس التحقيقات.

نص أقوال محمود الليثي في تحقيقات قضية عصام صاصا

وقال محمود الليثي خلال أقواله التي أدلى بها في تحقيقات قضية تزوير توكيل عصام صاصا، اللي حصل في حادث عصام أني كنت لسه مخلص حفلة واتصل بيا حد في المجال وقالي ألحق عصام صاصا عامل حادثة وخبط واحد وجريت عليه على الدائري، ولما وصلت لقيت الراجل متوفي وعصام واقف وعربية الشرطة واقفة وعصام كان منهار وبيقول حق الراجل في رقبتي ليوم الدين.

واستكمل محمود الليثي خلال أقواله، عصام صاصا قالي حق الراجل وعياله في رقبتي ومرديش يمشي وشيلنا المتوفي في الإسعاف وروحنا قسم الطالبية ولما روحنا عصام اتعرض على النيابة وخد إخلاء سبيل من القسم وكان عنده حفلة في دبي في الإمارات يوم 9 مايو وسافر بعد ما خرج من القسم عشان الحفلة دي.

أقوال محمود الليثي في تزوير توكيل عصام صاصا

وأضاف محمود الليثي في أقواله، بعدها بيومين معاذ مدير أعمال عصام صاصا كلمني وقالي أنه في محامي اسمه محمد حمودة وعايزين نعرف اتعابه كام عشان عصام، وروحت لمكتب محمد حمودة فعلا وقعدت معايا أنا وصاحبي سيد واتفقنا على الأتعاب حوالي 2 مليون جنيه وبعدها مشيت وكلمت معاذ وقولت له خلاص الأمور تمام.

واختتم محمود الليثي في تحقيقات قضية عصام صاصا، عصام صاحبي من 2023 اتعرفت عليه في فيلم وهو واد جدع وغلبان، وقعدنا في مكتب المحامي ربع ساعة عشان نتفق على الأتعاب وبعدها مشيت ومعرفش هو المحامي اللي عصام عمل له التوكيل من برا ولا لا، ومكنش معايا اي مستندات وأنا رايح، ولا أعرف حاجة عن التوكيل المزور بتاع عصام، وكل القصة أني كنت وسيط بس.

تحريات مباحث الأموال العامة بقضية عصام صاصا

وقالت تحريات الأموال العامة، أن محمد شقيق عصام صاصا، ومحمود الجوهري طالب قاموا بتزوير محرر رسمي رقم 965 أ / لسنة 2024 مكتب توثيق مجلس النواب الاتفاق والمساعدة مع موظف سابق ومطرب المهرجانات عصام صاصا مع علمهم جميعا بأمر تزويره.

كما شرحت تحريات الأموال العامة في قضية تزوير توكيل عصام صاصا، أن المتهمين استغلوا الإهمال الجسيم لموظف الشهر العقاري بمكتب توثيق مجلس النواب وذلك بان اتفق المتهم الرابع مع المتهمين الأول والثالث لارتكاب تزوير في التوكيل المذكور.

وأفادت تحريات الأموال العامة، أن عصام صاصا ساعد شقيقه وموظف سابق، بأن أمدهما بصورة بطاقة تحقيق شخصيته وتوقيعاته لتقليدها ورقم هاتف المتهم الثالث لتسهيل ارتكابها فانفقوا على مخططهم الإجرامي.

ونفاذا له تمكن المتهم الثاني من التحصل على أوراق التوكيل المعد مسبقا مستغلا الإهمال الجسيم لموظف الشهر العقاري ولثقته في الشاهد الثاني "موظف" ترك أوراق التوكيل خالي من التوقيعات والبصمات لدى إحدى المحلات المحاورة لمجلس النواب.

وأكدت التحريات في قضية تزوير توكيل عصام صاصا، أن المتهم الثاني تحصل على مستندات وتقابل مع شقيق عصام صاصا الذي قام بتوقيع وبصم التوكيل مرفق ببطاقة تحقيق شخصية مرفقة بالتوكيل المنسوب صدورهم من شقيقه عصام صاصا.

وتسلم محمد شقيق عصام صاصا التوكيل وقام بتسليمه لمحامي حسن النية للاحتجاج بما دون به من بيانات خلافات للحقيقة فاستعمله الاخير فما زور من أجله فقده إلى نيابة العمرانية الجزئية بصفته وكيلا عن عصام صاصا.