بوسي عن أغنية يا أبويا كنت منعتني: البنات اخدوها على مشاكلهم في الجواز مع إن فيه حاجات أسوأ

تحدثت المطربة بوسي عن تصدر أغنية دنيا جديدة التريند في الأيام الماضية والمعروفة على السوشيال ميديا بمقطع يا أبويا كنت منعتني، مشيرة إلى أنها لم يكن في عقلها أو عقل صناعها أن يتصدر العمل حديث مواقع التواصل الاجتماعي بهذا الشكل، كما أن الهدف منها لم يكن عرض مشاكل للمتزوجات مع أزواجهن.

بوسي تتحدث عن أغنية دنيا جديدة

وقالت بوسي في تصريحات لبرنامج عرب ودد ورصده موقع تحيا مصر: وأحنا بنعمل الأغنية لمسلسل أعلى نسبة مشاهدة مكناش حاطين في دماغنا خالص انها هتتصدر التريند لأنها كانت كئيبة شوية واحنا شعب بنموت في الدراما، وأما اتعملت في المسلسل كانت عن البنت اللي الظروف خدتها السوشيال ميديا وملقتش غير الطريق ده واترمت على جوازة غصب عنها فليها سيناريو معين بس البنات خدتها عن فشل حياتها الزوجية مع إن فيه حاجات ومشاكل كتير أسوأ من الجواز ناخدها بيها.

وتطرقت بوسي بحديثها عن لقب صوت مصر، قائلة: أنا مش بأؤمن بالالقاب وبقى في خناقات عليه ومينفعش واحدة تطلع تقول على نفسها اللقب ده السوق هو اللي يحكم.

 بوسي توجه رسالة للفنانة شيرين عبد الوهاب

ووجهت بوسي في نفس اللقاء رسالة للفنانة شيرين عبد الوهاب، قالت فيها: أنا بعشق شيرين وبعشق صوتها جدا ومستخسرها، وبقولها حرام اللي بتعمليه فى نفسك، أنا مش عايزة أتدخل فى حياتها الشخصية لكن دى نصيحة من معجبة لأني مش بعتبر نفسي زميلة لكن من فانز شيرين عبد الوهاب وبقولها عايزين شيرين عبد الوهاب بتاعة زمان اللى كانت بتركز فى شغلها أكتر اللى كانت بتحب مهنتها وبتحب الغنا وبتعمل أغاني بتكسر الدنيا، محتاجة شيرين ترجع تاني وربنا يعملها كل الخير دايما ان شاءالله.

حرام اللي بتعمليه في نفسك.. بوسي توجه رسالة للمطربة شيرين عبد الوهاب

بوسي شلبي لـ سميحة أيوب: أنتي رمز لزمن الفن الجميل

كلمات أغنية دنيا جديدة 

وجاءت كلمات أغنية دنيا جديدة على النحو الاتي : لما حلمت بدنيا جديدة خدني الحلم لسكة بعيدة وبعت الكل عشان أحلامي فكرت إن أنا هبقى سعيدة  معرفتش أحسب على مهلي لما لقيت حلمي بيندهلي بعت اخواتي وأبويا وأهلي ولقيت نفسي فجأة وحيدة يغور كل دة لو التمن قلة رضا يا أبويا كنت منعتني هو يغور كل دة لو التمن قلة رضا حلمي اللي كان بيشدني خلاني أسيب جنة رضاك  وجاية بمد إيديا خدوني في حضنكو شوية وجاية بمد إيديا خدوني في حضنكو شوية  جيالكم ياللي نصحتوني سيبتكم والاوهام شدوني رجعالكم علشان تشوفوني وانا بدفع للدنيا ديوني من جرحي ومن دمع عيوني وعلى قد الايام ما ادوني    ومن غيركوا في دنيتي تعبانة  يغور كل دة لو التمن قلة رضا يا أبويا كنت منعتني وأنا مش معاك الكون هلاك.