حرام اللي بتعمليه في نفسك.. بوسي توجه رسالة للمطربة شيرين عبد الوهاب

حرصت المطربة بوسي على توجيه رسالة لزميلاتها المطربة شيرين عبد الوهاب وذلك خلال لقاءها مع برنامج عرب ودد، مشيرة إلى أنها تعتبر نفسها من معجبي شيرين وليست زميلة لها، ومن الجمهور المشتاق لاغنياتها وأعمالها المختلفة التي كانت تمتعنا بها.

بوسي توجه رسالة للمطربة شيرين عبد الوهاب 

وقالت بوسي في تصريحات رصدها موقع تحيا مصر: أنا بعشق شيرين وبعشق صوتها جدا ومستخسرها، وبقولها حرام اللي بتعمليه فى نفسك، أنا مش عايزة أتدخل فى حياتها الشخصية لكن دى نصيحة من معجبة لأني مش بعتبر نفسي زميلة لكن من فانز شيرين عبد الوهاب وبقولها عايزين شيرين عبد الوهاب بتاعة زمان اللى كانت بتركز فى شغلها أكتر اللى كانت بتحب مهنتها وبتحب الغنا وبتعمل أغاني بتكسر الدنيا، محتاجة شيرين ترجع تاني وربنا يعملها كل الخير دايما ان شاءالله.

وكانت آخر أزمات شيرين عبد الوهاب شجارها مع طليقها حسام حبيب الذي وصل إلى تطاول بالأيدي وتحقيقات في المحاكم والنيابة، حيث اعترف حسام حبيب بضربه لها سعيا لإنقاذ ابنتها منها.

حسام حبيب يكشف حقيقة ضربه لشيرين عبد الوهاب 

وفي تسجيل صوتي مسرب قال حسام حبيب: والله العظيم أنا ممدتش ايدي عليها هي اللي معورة نفسها بطفاية ضربتها في دماغها ومعورة رجليها بمقص.. ومقدرش أقول أكتر من كدا.

وعلق عدد كبير من نجوم الفن والاعلام عن تلك الأزمة، فقالت الإعلامية رضوى الشربيني: شيرين خسرت أخوها وأهلها ورضا أمها عليها، وبالرغم من كده امبارح أول حاجة حصلت مامتها خدت أخوها واختها وراحوا عشان يتطمنوا عليها.. شيرين خسرت روتانا ومعايا مستندات بتثبت انها كان ليها عقد محترم معاهم وخسرته وعلى وشك انها تخسر بناتها وجمهورها بسبب حسام حبيب، ناقص مين تاني يا حسام.

بينما قالت الإعلامية مروة صبري: حسام حبيب ضحية شيرين وهو اللي اتدمر في العلاقة دي بنسبة مليون في المية،وبيدفع كل الفواتير نتيجة انه بيحبها وهي مش سايباه في حاله..والاتنين مرضى نفسيين والعلاقة دي مش هتنتهي غير لما يخلصوا على بعض، اتخلص يا حسام من السم اللي اسمه شيرين عبد الوهاب عشانك، وروح لدكتور نفسي عالج نفسك.

شيرين عبد الوهاب صوت مصر ولكن بتكره الناس فيها.. والفن مالوش أمان |أبرز تصريحات سيد صادق

حساب جديد لـ شيرين عبد الوهاب عبر تطبيق إكس.. والجمهور يتسائل عن حقيقة الأمر

بوسي تكشف إمكانية تعاونها مع محمد رمضان 

من ناحية أخرى، كانت قد كشفت بوسي عن إمكانية تعاونها مع محمد رمضان، مشيرة إلى أنها لها الشرف بعمل دويتو غنائي معه خاصة وأنه شخصية ناجحة في مصر والوطن العربي والعالم، ولديه قاعدة جماهيرية كبيرة واثبت نجاحاته المختلفة في الأعمال الفنية والغنائية.